As linguas pama-nyunganas constitúen a familia lingüística máis espallada de entre as linguas aborixes de Australia con 281 linguas diferentes.
O nome "pama-nyungana" deriva dos nomes de dous subgrupos de linguas moi separadas xeograficamente, as linguas paman do nordeste e as linguas nyunganas do suroeste. As palabras pama e nyunga significan "home" nas respectivas linguas.
As outras familias de linguas indíxenas de Australia adóitanse clasificar, por exclusión, como linguas non pama-nyunganas, aínda que este non é un termo taxonómico. As linguas pama-nyunganas contan co maior número de linguas debido ao seu amplo espallamento xeográfico e tamén coa maioría da poboación de aborixes australianos. Porén, a meirande parte delas teñen só uns poucos centos de falantes ou menos e están consideradas linguas en perigo de extinción. Algunhas xa pasaron a ser linguas mortas.miniatura|300px|Mapa lingüístico de Australia. As linguas pama-nyunganas están resaltadas coa cor amarela.|centro Notas
Véxase tamén Outros artigos Linguas aborixes de Australia Lista de linguas aborixes de Australia
Categoría:Linguas de Australia