O ácido dihomo-γ-linolénico (DGLA) é un ácido graxo ω−6 de 20 carbonos. Tamén se lle dá o nome de 20:3 (ω−6). O DGLA é un ácido carboxílico cunha cadea de 20 carbonos e tres dobres enlaces cis; o primeiro dos cales está situado no sesto carbono empezando polo final (extremo omega), que se corresponde co carbono 14 da cadea, e os outros están nos carbonos 11 e 8. O DGLA é o produto da elongación encimática do ácido ácido γ-linolénico (GLA; 18:3, ω−6). Á súa vez, o GLA, é un produto da desaturación do ácido linoleico (18:2, ω−6). O DGLA é un ácido graxo moi común, que se atopa só en cantidades traza nos produtos animais.Horrobin, D. F., 1990a. Gamma linolenic acid. Rev. Contemp. Pharmacother. 1, 1-45Huang, Y.-S. and Mills, D. E. (Eds.), 1996. Gamma-linolenic acid metabolism and its roles in nutrition and medicine. AOCS Press, Champagne, Illinois, 319 pp.

Efectos biolóxicos Os metabolitos eicosanoides do DGLA son: Tromboxanos da serie 1 (tromboxanos cun dobre enlace), por medio das vías de COX-1 e COX-2. Prostanoides da serie 1, por medio das vías de COX-1 e COX-2. Un derivado 15-hidroxilo que bloquea a transformación do ácido araquidónico (AA) a leucotrienos.

Todos os efectos son antiinflamatorios. Isto está en marcado contraste cos metabolitos análogos do ácido araquidónico (AA), que son tromboxanos da serie 2 e prostanoides e leucotrienos da serie 4. Ademais de render eicosanoides antiinflamatorios, o DGLA compite co AA pola unión á COX e á lipoxixenase, inhibindo a produción de eicosanoides do AA.

Nun pequeno estudo no que se administrou por vía oral, o DGLA produciu efectos antitrombóticos. O suplemento da dieta con GLA incrementa os niveis no soro sanguíneo de DGLA e AA. A cosuplementación con GLA e EPA fai diminuír os niveis de AA séricos ao bloquear a actividade da Δ-5-desaturase, e tamén facendo decrecer a síntese de leucotrienos nos neutrófilos.

miniatura|dereita|200px|A borraxe é unha rica fonte de ácido γ-linolénico, o precursor na dieta do DGLA.

Notas

Véxase tamén Outros artigos Ácido graxo esencial

Categoría:Ácidos graxos