Luigi Einaudi, nado en Carrú (Piemonte) o 24 de marzo de 1874 e finado en Roma o 30 de outubro de 1961, foi un político liberal italiano, o segundo presidente da República italiana, desde 1948 até 1955 e gobernador do Banco de Italia, desde 1945 até 1948.
Traxectoria Licenciado en Dereito, impartiu clases de Economía e Finanzas nas universidades de Pisa, Turín e na Universidade Bocconi de Milán.
Foi nomeado senador vitalicio en 1919. Mostrouse contrario ao fascismo desde 1924 e en 1935 emitiu, no Senado, un voto contrario á aprobación da invasión de Etiopía. O 25 de xullo de 1943 foi designado reitor da universidade de Turín pero ese mesmo ano tivo que exiliarse en Suíza.
Finalizada a segunda guerra mundial, Einaudi foi nomeado gobernador do Banco de Italia, cargo que ocupou desde 1945 a 1948, e ocupou os cargos de vicepresidente do consello de ministros e de ministro de finanzas no cuarto goberno de Alcide De Gasperi (1947-1948).
Foi o primeiro Presidente da República italiana electo conforme ao procedemento establecido na Constitución que fora aprobada meses antes, Luigi Einaudi ocupou a presidencia desde 1948 até 1955.
Notas
Categoría:Economistas de Italia Categoría:Finados en 1961 Categoría:Nados en 1874 Categoría:Nados na provincia de Cuneo Categoría:Presidentes de Italia Categoría:Presidentes de bancos centrais