Tania González Penas, nada en Avilés o 18 de outubro de 1982, é unha política española, eurodeputada de Podemos e activista social.
Traxectoria Tania González é licenciada en ciencias políticas pola Universidade Complutense de Madrid. Antes de ser elixida eurodeputada foi profesora interina de formación e orientación laboral en Laredo (Cantabria). Como activista social, é membro de distintas asociacións civís, como Les Rudes, colectivo feminista de Avilés, ou do CSI (Corrente Sindical de Esquerdas de Asturias). Publicou diversos artigos de opinión no xornal español eldiario.es.
Práctica política Dende outubro de 2015, Tania González é voceira de Podemos no Parlamento Europeo, dentro do Grupo Confederal da Esquerda Unitaria Europea/Esquerda Verde Nórdica. Ademais, é a vicepresidenta da Delegación para as Relacións cos Países da Comunidade Andina, é membro da Comisión de Transporte e Turismo e suplente tanto da Comisión de Emprego e Asuntos Sociais como da Delegación na Asemblea Parlamentaria Euro-Latina.
Dende a súa alta como eurodeputada o 11 de setembro de 2014, interveu 946 veces en plenario e presentado 181 preguntas parlamentarias.
Notas
Categoría:Nados en Avilés Categoría:Nados en 1982 Categoría:Políticos de Podemos Categoría:Alumnos da Universidade Complutense de Madrid