Un espello de Claude ou espello negro (en inglés: Claude glass ou black mirror) é un pequeno espello, de forma lixeiramente convexa, coa superficie tinguida de cor escura. A curvatura destes espellos teñen o efecto de reflectir a paisaxe en miniatura,Kinsley (2008), p. 93 reducindo e simplificando a cor e escala tonal, das escenas para darlles unha calidade pictórica moi característica. O espello de Claude debe o seu nome a Claude Lorrain, pintor de paisaxes do século XVII, aínda que non está documentado que el o usase, ou que soubese del ou de algo parecido.
Características Foron moi usados polos artistas na Inglaterra de finais do século XVIII e inicios do XIX para esbozar paisaxes pintorescas, e por viaxeiros e investigadores da paisaxe. O diario do poeta Thomas Gray, publicado en 1775, popularizou o uso do espello de Claude, ás veces chamado nesa época "espello de cinza" considerando que era unha parte fundamental do equipamento do turistaCitando en Kinsley (2008), p. 93 e, no diario, tamén describiu como un vaso roto facía un efecto similar e lle permitía ver "o solpor en toda a súa gloria".
No seu influente A Guide to the Lakes (1778), Thomas West explicou como usar o espello, recomendando transportar dous distintos: "un para reflexos de obxectos grandes e próximos e outro máis plano para obxectos distantes e pequenos". O usuario viraba as costas á escena, de xeito que se observaba o cadro a través dos vidros —nunha especie de prefotografía, que engadía unha sutil gradación de tons.West (1784)
Estes espellos foron amplamente usados por turistas e artistas afeccionados, que rapidamente se tornaron obxecto de sátira. Hugh Sykes Davies (1909-1984) observou que eles se afastaron do obxecto que desexaban pintar, comentando: "Isto é moi típico da súa actitude cara a Natureza, de tal xeito que esa posición e non outra debería ser a desexada".James Buzard (2002). "The Grand Tour and after 1660-1840," em The Cambridge Companion to Travel Writing.
No século XX, a arquitecta Mary Colter incluíu os espellos de Claude (chamados logo reflectoscopios) na súa torre en Desert View para o uso de visitantes que desexasen ver o Gran Canón.
Galería
Notas
Véxase tamén
Bibliografía
Outros artigos Cámara lúcida Cámara escura
Ligazóns externas Imaxe dun espello de Claude Sitio da Universidade de Windsor sobre o espello de Claude e ligazón á webcam
Categoría:Romanticismo Categoría:Materiais de pintura