Lion Capital LLP é unha firma británica de capital privado especializada en investimentos no sector de consumo. As marcas que foron ou son propiedade de Lion, ou teñen significativas participacións, inclúen Weetabix, Jimmy Choo, wagamama, Kettle Foods, AllSaints, HEMA, Schweppes, Alain Afflelou ou Authentic Brands Group.
A firma ten a súa sede en Londres, Inglaterra, e emprega a 30 executivos de investimento nas súas oficinas de Londres e Los Ángeles.
Os directores da empresa investiron aproximadamente 6.000 millóns de euros en máis de 30 negocios e máis de 100 marcas de consumo.
En outubro de 2012, a oficina de América do Norte trasladouse de Nova York a Los Ángeles. En maio de 2016 anunciouse que Javier Ferrán substituiría a Franz Humer como presidente de Diageo a partir do 1 de xaneiro de 2017. Durante o verán de 2019, Lion Capital reduciu a súa participación en Authentic Brands Group para dar cabida ao accionariado maioritario de BlackRock.
Actividades Lion Capital busca investir en empresas medianas e grandes que venden produtos de marca, o que inclúe roupa, artigos de luxo, alimentación e venda polo miúdo especializada. Os directores de Lion Capital rexeitaron a diversificación noutros sectores, alegando que a súa estratexia é saber máis sobre menos.
Notas
Categoría:Empresas dos Estados Unidos de América Categoría:Empresas do Reino Unido