José Ramón García Fernández, nado en Neuss en 1973, é un sindicalista e político berciano.
Traxectoria
Naceu en Alemaña, fillo de inmigrantes de Pombriego no concello de Benuza que volveron ao Bierzo cando José Ramón tiña tres anos. Estudou enxeñería mecánica na Universidade de Salamanca e logo exerceu como profesor de Formación Profesional. Sindicalista da UGT, tivo cargos de responsabilidade na Federación de los Trabajadores de la Enseñanza de Castela e León. En 2011 encabezou a candidatura do PSOE ao concello de Benuza e logrou entrar na corporación municipal. En 2015 foi o candidato de Coalición por El Bierzo á alcaldía de Benuza e de novo accedeu á corporación municipal ata as eleccións de 2019. Logo de entrar a militar na Unión del Pueblo Leonés converteuse no voceiro da xestora de UPL-Bierzo en setembro de 2020 e en membro do Consello Xeral da UPL en novembro de 2021 . Nas eleccións ás Cortes de Castela e León de 2022 logrou acta de procurador.
Notas
Categoría:Políticos de Unión del Pueblo Leonés Categoría:Sindicalistas da UGT Categoría:Concelleiros de Castela e León Categoría:Procuradores das Cortes de Castela e León Categoría:Alumnos da Universidade de Salamanca
Categoría:Nados na rexión de Düsseldorf
Categoría:Nados en 1973 Categoría:Políticos de Coalición por El Bierzo