George Edward Clinton, nado o 22 de xullo de 1941, é un músico, cantante e produtor musical estadounidense. O seu colectivo Parliament-Funkadelic (que gravou principalmente baixo os nomes de Parliament e Funkadelic) desenvolveu unha influente e ecléctica forma de música funk nos anos 70 inspirada na ciencia ficción, na moda extravagante, na psicodelia e no humor surrealista. Clinton iniciou unha carreira en solitario co álbum de 1982 Computer Games e continuaría influíndo no hip hop e o G-funk da década dos 90.
Clinton é considerado, xunto con James Brown e Sly Stone, como un dos principais innovadores da música funk. Foi incluído no Rock and Roll Hall of Fame en 1997, xunto con 15 outros membros de Parliament-Funkadelic. En 2019, el e Parliament-Funkadelic recibiron o Grammy á carreira artística.
Notas
Categoría:Nados en 1941 Categoría:Nados en Carolina do Norte Categoría:Vocalistas