Henry Voigt (ás veces escrito Voight), nado en Alemaña en 1738, e finado en Filadelfia o 7 de febreiro de 1814, foi un inventor, fabricante de reloxos, de instrumentos matemáticos e de máquinas e motores de vapor, deseñador das primeiras moedas estadounidenses e cuñador xefe da primeira Casa da Moeda dos Estados Unidos.

Voigt dirixiu unha fábrica de arame en Reading, Pensilvania, e reparou reloxos para Thomas Jefferson, que o coñecía ben. En Filadelfia participou no desenvolvemento e na produción do primeiro barco de vapor práctico con John Fitch. Tamén participou na produción (en 1770) e na reparación e ampliación (en 1806), do planetario de David Rittenhouse.Rice, H. C. (1954). The Rittenhouse orrery: Princeton's Eighteenth-century Planetarium, 1767-1954. Princeton University Library. Páxina 34.

Traxectoria

A reloxaría e a asociación con John Fitch Voigt rexentaba en Reading, Pensilvania, unha fábrica de arame na que reparaba reloxos para Thomas Jefferson, a quen coñecía ben.Ronda, G. P. (1998). Voyages of discovery: Essays on the Lewis and Clark Expedition. Montana Historical Society. Páxina 164. ISBN 9780917298455 Posteriormente instalouse en Filadelfia, onde en 1775 tiña un negocio de reloxaría. El mesmo afirmaba tamén que colaborara na Guerra da Independencia con algunhas máquinas de fabricación propia.Flexner, J. T. (1992). Páxina 187."Henry Voigt - US Coin Designer". USAcoinbook.com O inventor e tamén reloxeiro John Fitch coñeceu a Voigt e, logo dunhas conversas nas que ambos se amosaron interesados reciprocamente polos seus proxectos, Fitch acabou por lle ofrecer unha participación na súa empresa, ao que Voigt accedeu, en 1792."To George Washington from Henry Voight, 13 april 1792". Founders Online (Founders.archives.gov). Algúns anos máis tarde, Fitch describía nos seguintes termos acerca de Voigt:Westcott, T. (1857). Páxina 157.

Fabricante de motores de vapor Benjamin Franklin convencera a Fitch de que a idea de Daniel Bernoulli de 1753 dun barco de propulsión a chorro podía facerse realidade utilizando unha bomba de auga accionada por vapor. Aínda que parecía moito máis sinxelo e superior ao seu deseño orixinal accionado por paletas, Voigt induciuno a renunciar á suxestión de Franklin e manter os seus obxectivos orixinais. A idea de Bernoulli foi retomada máis tarde por James Rumsey, que puido utilizar os principios da máquina de vapor de Thomas Newcomen, moito máis sinxelos. No entanto, só foi quen de obter velocidades dunhas 3 millas por hora, mentres que Fitch e Voigt acadaron finalmente velocidades de entre 6 e 8 millas por hora. A primeira suxestión de Voigt foi que construísen un modelo de máquina de vapor.Westcott, T. (1857).

Naquela época, as avanzadas máquinas de vapor de James Watt e Matthew Boulton non eran accesibles no continente americano por mor das restricións británicas á exportación, polo que gran parte do desenvolvemento da máquina de vapor —e en particular da súa aplicación no ámbito marítimo— nos Estados Unidos tivo que realizarse de xeito independente.

Fabricante de instrumentos de astronomía En 1771, a Universidade de Princeton adquiriulle un planetario ao reloxeiro e astrónomo de Pensilvania David Rittenhouse. Nunha reunión do consello de administración da universidade, o Comité do Planetario presentou un contrato "con Henry Voigt (ou Voight)" de Filadelfia, polo que se lle aboaban 500 dólares en 1807 pola reparación do Planetario. Henry Voigt coñecía desde había tempo a Rittenhouse —que anos máis tarde sería o primeiro director da Casa da Moeda dos Estados Unidos—.Eckberg, B. (2007). "Review: Henry Voigt and others involved with America’s Early Coinage, by Karl Moulton". En The E-Sylum. Vol. 10. Nº 49. 2 de decembro. No frontal do planetario figura a seguinte inscrición: "Inventado por David Rittenhouse. 1768. Reparado e ampliado por Henry Voigt. A.D. 1806. Ambos de Filadelfia". No reverso figura o nome de Thomas Voigt, fillo de Henry, quen se supón que axudou no traballo baixo a dirección do seu pai."The Rittenhouse Orrery". En The Princeton University Chronicle. Vol. XII. Nº 3. Primavera de 1951. Friends of the Princeton Library. Páxinas 121-125.

Cuñador xefe da Casa da Moeda dos EUA miniatura|270x270px|Pintura de John Ward Dunsmore sobre as primeiras emisións de moedas dos EEUU. O cuarto pola esquerda é o presidente Washington, o sétimo é o director da Casa da Moeda, David Rittenhouse, o oitavo é Henry Voigt e o noveno o que o sucedería no cargo, Adam Eckfeldt. En 1791, Fitch e Voigt solicitaron traballo na Casa da Moeda dos Estados Unidos —que se inauguraría o ano seguinte— coa esperanza de que mentres ocupaban un posto alí terían tempo e solvencia económica para perfeccionar o barco de vapor. Na súa solicitude petición, Voigt describíase como perfectamente coñecedor de toda a maquinaria e dos procesos de cuñaxe, e capaz de fabricar el mesmo os instrumentos necesarios, xa que traballara na ceca alemá de Saxonia-Gotha durante a súa xuventude, durante os cales afirmaba que introducira numerosas melloras. Finalmente, Voigt foi nomeado polo presidente Washington, o 28 de xaneiro de 1793, como o primeiro cuñador xefe da Casa da Moeda, baixo a dirección de Rittenhouse, cargo que desempeñou ata o seu falecemento.Smith, P. (2020). Westcott, T. (1857). Páxina 154.

O director Rittenhouse escribiu, sobre Voigt:

miniatura|O coñecido como centavo Chain, de 1793, deseñado e cuñado por Henry Voigt."1 Cent "Flowing Hair Cent" Chain reverse". Numista.com|270x270px Durante a súa etapa como cuñador xefe na Casa da Moeda, Voigt encargouse de construír os equipamentos para a produción, de adquirir o cobre para a cuñaxe e de supervisar a produción—nalgunhas ocasións tamén se responsabilizou do deseño— dalgunhas das primeiras moedas dos Estados Unidos. Ao seu labor débense, sinaladamente, as moedas dun centavo do tipo coñecido como Flowing Hair, nas súas dúas variedades, o centavo Chain e o centavo Wreath, que son as primeiras moedas emitidas oficialmente para a súa circulación ordinaria pola Casa da Moeda dos Estados Unidos.

Ruptura con John Fitch Aínda que Voigt estaba casado e tiña varios fillos, mantiña unha relación paralela cunha viúva, que era a súa caseira, chamada Mary Krafft, con quen tivo dous fillos. O seu socio Fitch, nun intento de salvar a reputación de Krafft, casou con ela, e este feito provocou a ruptura da sociedade Fitch-Voigt. Despois, todos os intentos de Fitch de construír máis barcos de vapor fracasaron. Anos despois, Fitch afirmou que, aínda que a maior parte das ideas orixinais eran súas, era difícil atopar algunha que Voigt non mellorase, e que lle deixara a execución real da produción e da fabricación a Voigt. Nas súas palabras:

Fabricante de artefactos topográficos Varios meses antes de que se asinase con Francia o tratado da Compra de Luisiana en 1803, o Agrimensor Xeral Isaac Briggs pediulle ao tamén agrimensor Andrew Ellicott o seu instrumento de tránsito e igual altitude co propósito de topografar os 2.144.476 quilómetros cadrados de territorio. Cando Ellicott se negou ao trato, Briggs recorreu a Henry Voigt, quen fabricou un instrumento similar. Briggs utilizou este instrumento de Voigt en 1804 para establecer un meridiano principal para os Estados Unidos, que pasaba por Washington, D.C., e logo levouno ao novo territorio. O instrumento de tránsito e igual altitude resultante, coa inscrición Henry Voigt Philadelphia, consérvase na colección do Museo Nacional de Historia Americana do Instituto Smithsoniano."Transit and Equal Altitude Instrument". National Museum of American History. Smithsonian Institution.

Vida persoal Fitch e Voigt uníranse en 1780 a un grupo de amigos para intentar fundaren unha nova relixión chamada Sociedade Universal, na que as boas obras estarían inspiradas por un sentido da honra e non por supersticións nin temores sobrenaturais. Malia acabar esta idea nun rotundo fracaso, durante a súa curta duración fixéronse plans e debates sobre todas as cuestións fundamentais da vida. Neste grupo aceptábanse persoas de todas as crenzas, así como agnósticos e ateos.

Xunto coa súa muller, Margaret (1755-1838), tivo dous fillos e cinco fillas. Henry Voigt finou en Filadelfia o 7 de febreiro de 1814. Os seus restos foron soterrados no cemiterio de Laurel Hill, en Filadelfia."Henry Voigt Sr.". Findagrave.com

Notas

Véxase tamén

Bibliografía Flexner, J. T. (1992). Steamboats Come True: American Inventors in Action. Fordham University Press. ISBN 978-0823213764 Moulton, K. (2007). Henry Voigt and Others Involved with America's Early Coinage. Moulton. ISBN 9781934720066 Smith, P. (2020). "Voigt [Voight], Henry". En American Numismatic Biographies. Páxina 427. Westcott, T. (1857). Life of John Fitch: the Inventor of the Steam-boat. J. B. Lippincott & Co.

Outros artigos Casa da Moeda dos Estados Unidos

Categoría:Nados en 1738 Categoría:Nados en Alemaña Categoría:Finados en 1814 Categoría:Inventores dos Estados Unidos de América Categoría:Deseñadores de moeda dos Estados Unidos de América Categoría:Estadounidenses de ascendencia alemá Categoría:Personalidades sen imaxes