Roberto Panero Fernández, nado en Pontevedra e finado na mesma cidade en abril de 1937, foi un mestre, xornalista e político galego.
Traxectoria Estudou no Colexio X de Pontevedra. Acadou o título de bacherel universitario en letras en 1932 e rematou os estudos de Maxisterio na Escola Normal de Pontevedra ese mesmo ano.El Pueblo Gallego, 2-6-1932, p. 8. Foi elixido presidente do grupo de normalistas que se uniron á FUE en decembro de 1931.El Pueblo Gallego, 8-12-1931, p. 11. Colaborou en El Pueblo e El Progreso, do que foi redactor.El Progreso, 24-1-1932, p. 2. En marzo de 1931 foi elixido vicesecretario da Juventud Republicana de Pontevedra,El Pueblo, 14-3-1931, p. 3. participou como orador no mitin que organizou en Cerdedo a Sociedade Agraria e o Grupo Republicano a principios de abril,El Pueblo, 4-4-1931, p. 4. e no mitin de Ponte Caldelas a principios de maio.El Pueblo Gallego, 15-5-1931, p. 6.
En xullo de 1932 trasladouse a Vigo coa familia.La Voz de Galicia, 23-7-1932, p. 6. Integrouse na Asociación de Trabajadores de la Enseñanza de Vigo, e foi elixido secretario do seu Comité directivo en outubro de 1932.El Pueblo Gallego, 5-10-1932, p. 6. Foi elixido secretario da sección provincial da Liga Española de los Derechos del Hombre, constituída en Vigo en setembro de 1932.El Progreso, 21-9-1932, p. 1. Militante do Partido Republicano radical-Socialista, sendo elixido secretario na sección juvenil en abril de 1933.El Pueblo Gallego, 16-4-1933, p. 4.
En 1933 foi nomeado mestre interino de Tuxe (O Bolo),El Pueblo Gallego, 23-5-1933, p. 10. e en decembro de 1934 de Vilanova (A Veiga).Galicia, 6-12-1934, p. 6. Integrouse na Asociación de Trabajadores de la Enseñanza de Orense e colaborou na súa revista Escuela del Trabajo. Tamén se fixo socio da Casa del Maestro de Pontevedra a principios de 1935.El Noticiero Gallego, 4-2-1935, p. 3-4. Interveu nos mitins pedagóxico-sociais organizados pola Asociación de Traballadores da Ensinanza de Vigo en setembro de 1934.El Pueblo Gallego, 13-9-1934, p. 2. e no Congreso Regional de Trabajadores de la Enseñanza de Galicia celebrado en Vigo en maio de 1936 presentou o relatorio "Normas relativas a la orientación ideológica de la enseñanza: Laicismo, propaganda política antirreligiosa. Escuela socialista, coeducación". Interveu en representación das Juventudes Socialistas no mitin de Concentración Socialista celebrado no campo de Barreiro de Vigo o 13 de outubro de 1935,La Hora, 28-9-1935, p. 1, 2.El País, 14-10-1935, p. 1. na concentración das Juventudes Socialistas Unificadas da provincia de Pontevedra, tamén no campo de Barreiro, o 10 de maio de 1936,El Pueblo Gallego, 8-5-1936, p. 2. e na concentración marxista de San Miguel de Oia o 21 de xuño.El Pueblo Gallego, 20-6-1936, p. 5.
Co golpe de Estado do 18 de xullo de 1936 foi destituído e suspendido de emprego e soldo a principios de agosto.La Región, 5-8-1936, p. 4. Enfermo, finou no Hospital Provincial de Pontevedra en abril de 1937.El Progreso, 15-4-1937, p. 1. Depurado, foi sancionado con inhabilitación para o desempeño de escolas en 1942.La Región, 18-3-1942, p. 4. Notas
Véxase tamén Bibliografía .
Ligazóns externas A represión cos afiliados de ATEO en A Veiga
Categoría:Profesores de Galicia Categoría:Xornalistas de Pontevedra Categoría:Políticos do PSOE Categoría:Represaliados polo franquismo
Categoría:Nados en Pontevedra
Categoría:Nados en ano descoñecido Categoría:Finados en 1937