Taye Atske Selassie Amde, nado en Debarq (Gondar) o 13 de xaneiro de 1956, é un diplomático e político etíope, que exerce como presidente de Etiopía desde 2024. Antes da súa presidencia, ocupou varios cargos diplomáticos, incluído o embaixador en Exipto, representante permanente ante as Nacións Unidas e ministro de Asuntos Exteriores.
Traxectoria Licenciouse en Ciencias Políticas e Relacións Internacionais na Universidade de Adís Abeba e en 1989 obtivo un mestrado en Relacións Internacionais e Estudos Estratéxicos pola Universidade de Lancaster.
Traballou no Ministerio de Asuntos Exteriores como consultor no Departamento Europeo, xefe do Departamento de Europa Occidental e director de Información en funcións. Foi ministro conselleiro na embaixada de Etiopía en Washington DC e cónsul xeral nos Ánxeles de outubro de 2002 a novembro de 2010. De 2017 a 2018, exerceu como embaixador de Etiopía en Exipto En 2018, converteuse en representante permanente ante as Nacións Unidas para Etiopía. Criticou un informe da Comisión Internacional de Expertos en Dereitos Humanos sobre Etiopía que detallaba as atrocidades cometidas por Etiopía na guerra de Tigray.
Trala dimisión de Demeke Mekonnen o 26 de xaneiro de 2024, Taye converteuse no novo Ministro de Asuntos Exteriores o 8 de febreiro. Dirixiu negociacións indirectas con Somalia a través de Turquía sobre o arrendamento por parte de Etiopía de 20 quilómetros da costa de Somalilandia a cambio de recoñecemento diplomático.
Presidencia En outubro de 2024 foi elixido polo Parlamento como novo presidente de Etiopía, substituíndo no cargo a Sahle-Work Zewde, presuntamente enfrontada co primeiro ministro Abiy Ahmed. Prestou xuramento o 7 de outubro de 2024.
Notas
Categoría:Nados en 1956 Categoría:Nados en Etiopía Categoría:Alumnos da Universidade de Adís Abeba Categoría:Presidentes de Etiopía