dereita|miniatura|Órgano hidráulico de Ctesibio, segundo a descrición de Herón de Alexandría. Ctesibio (en grego Κτησίβιος) foi un matemático e enxeñeiro grego que viviu arredor dos anos 285 e 222 a. C. en Alexandría.
Foi un dos primeiros enxeñeiros da historia e inventou diversos dispositivos. Polo seu traballo sobre a elasticidade do aire, Ctesibio é chamado o pai da pneumática, é dicir, o uso do aire comprimido como medio auxiliar de traballo.FLOWER, D. A. Biblioteca de Alexandria: as histórias da maior biblioteca da antiguidade, 2º ed. Editora: Nova Alexandria, São Paulo 2010.
Ctesibio é considerado o fundador da escola de matemáticas e enxeñaría de Alexandría, onde probabelmente tamén foi o primeiro director do Museo de Alexandría. Sábese moi pouco sobre a vida de Ctesibio, só que era fillo dun barbeiro en Aspondia, un suburbio de Alexandría. Na barbearia do seu pai, acabou construíndo un sistema de espellos con axuste pneumático.
As obras de Ctesibio (De pneumática, Memorabilia ) existen só en forma de citas secundarias doutros autores, como Vitruvio, Ateneo, Filón de Bizancio, Proclo e Herón de Bizancio.
Algúns dos moitos dispositivos importantes construídos por Ctesibio inclúen:
Bomba contra incendios Este invento é unha combinación dunha bomba de succión e unha bomba de presión, empregada posteriormente polos bombeiros romanos, cunha mangueira conectada, para combater grandes incendios.
Órgano hidráulico Este órgano está equipado cun teclado manual e tubos de son. Do mesmo xeito que coa bomba de presión, o peso da auga empregábase para comprimir o aire e crear os diversos sons. Máis tarde, este invento foi empregado polos romanos.
Catapulta con resorte Unha catapulta onde o obxecto que se ía lanzar se presionaba contra resortes, forzando un impulso.
Clepsidra miniatura|Reconstrución da clepsidra no Museo Tecnolóxico de Tesalónica. Foi o reloxo máis preciso do mundo antigo, capaz de funcionar durante 365 días sen parar. Isto só foi superado coa chegada do reloxo mecánico no século XIV.. A auga entraba de maneira regular nun recipiente, onde facía subir un flotador. Este movía un mecanismo de rodas dentadas e un pequeno indicador que sinalaba as horas. Para que o reloxo fose preciso, Ctesibio procurou que a auga circulase cun caudal constante: utilizou un pequeno orificio feito nun material resistente, como ouro ou unha xema, para evitar que se desgastase ou quedase obstruído. O movemento continuo da auga permitía transformar o paso do tempo nun movemento mecánico visible.
Notas
Véxase tamén
Outros artigos
Alexandría Grecia antiga Matemáticas Matemáticas e arte Ligazóns externas
Museo Tecnolóxico de Tesalónica
Categoría:Científicos da Grecia antiga Categoría:Matemáticos Categoría:Inventores Categoría:Grecia antiga