Miroslav Đukić (en serbio: Мирослав Ђукић, ás veces citado, sobre todo en España, como Miroslav Djukić), nado en Šabac (daquela pertencente a Iugoslavia) o 19 de febreiro de 1966, é un exfutbolista e actual adestrador de fútbol serbio. Xogaba de defensa e foi internacional coa selección iugoslava e serbia. Actualmente adestra o FK Partizan.
Traxectoria Iniciou a súa carreira no club da súa cidade natal, o FK Mačva Šabac, onde permaneceu ata fichar polo FK Rad en 1989. Tras unha tempada incorporouse ao Deportivo da Coruña, por entón na Segunda División de España. Djukic foi un dos protagonistas da eclosión do Deportivo entre os grandes do fútbol español. O serbio será recordado por fallar un penalti no último minuto da última xornada da tempada 1993/94, o que permitiria ao club galego conquistar a súa primeira liga. Aínda así, a seguinte tempada logrou o primeiro título para o club coruñés, a Copa do Rei, xogando como titular a final contra o Valencia. Posteriormente conquistou a Supercopa de España, antes de fichar polo Valencia CF o verán de 1997. A pesar da súa experiencia (chegou a Valencia con 31 anos), permaneceu no club levantino seis tempadas, nas que conquistou finalmente o campionato ligueiro en 2002. Terminou a súa carreira a tempada 2003/04 nas filas do CD Tenerife.
Djukic era un libero técnico e elegante, sempre estaba ben colocado e moi poucas veces cometía erros, o que outorgaba unha gran seguridade á defensa da que formaba parte. Adoitaba sacar o balón controlado desde atrás mostrando detalles de gran calidade individual e incorporándose con gran forza ao ataque. Ademais era un futbolista frío e sereno e resultaba moi difícil verlle perder a compostura sobre o terreo de xogo. Durante a súa estancia no Deportivo foi tremendamente regular, apenas se perdeu partidos ao longo dos campionatos, xa que as lesións respectáronlle ao máximo e as sancións foron case descoñecidas para el, nunca recibindo unha cartolina vermella, posto que case non necesitaba cometer faltas para arrebatar o balón aos dianteiros contrarios, cousa que facía con grande elegancia. A todo o anterior, hai que sumarlle o seu gran traballo e esforzo os 90 minutos, e a súa capacidade de liderado no terreo de xogo.
Como adestrador Tras retirarse regresou a vivir a Valencia, onde exerceu de comentarista deportivo en varias emisoras de radio e, simultaneamente, sacouse o carné de adestrador. O seu primeiro reto foi á fronte da selección sub-21 de Serbia, coa que se proclamou subcampión de Europa.
A principios de 2007 asumiu a dirección técnica do FK Partizan Belgrado da primeira división serbia, alcanzando o subcampionato de liga. En decembro de 2007 decidiu non renovar o seu contrato cos grobari e pouco despois foi designado seleccionador nacional de Serbia, en substitución de Javier Clemente. Posteriormente substituioo no cargo Radomir Antić.
Djukic fíxose cargo do Hércules CF os nove últimos partidos da tempada 2010–11, en substitución do cesado Esteban Vigo.
O 20 de outubro de 2014 foi anunciado como novo adestrador do Córdoba CF, en substitución de Chapi Ferrer.El Córdoba destituye a Ferrer; Djukic, nuevo entrenador; As, 20 de outubro de 2014
Palmarés Xogador Deportivo Copa do Rei: 1994–95 Supercopa de España: 1995
Valencia Copa Intertoto da UEFA: 1998 Copa do Rei: 1998–99 Supercopa de España: 1999 UEFA Champions League: Finalista 1999–00, 2000–01 Liga de España: 2001–02
Adestrador Serbia sub-21 Eurocopa sub-21: Finalista 2007
Notas
Véxase tamén Ligazóns externas Datos do xogador en bdfutbol.com
Categoría:Nados en 1966 Categoría:Nados no distrito de Mačva Categoría:Futbolistas de Iugoslavia Categoría:Futbolistas de Serbia Categoría:Defensas de fútbol Categoría:Xogadores do FK Mačva Šabac Categoría:Xogadores do FK Rad Categoría:Xogadores do Deportivo da Coruña Categoría:Xogadores do Valencia CF Categoría:Xogadores do CD Tenerife Categoría:Xogadores da selección de fútbol de Iugoslavia Categoría:Xogadores da selección de fútbol de Serbia Categoría:Adestradores de fútbol de Serbia Categoría:Adestradores do FK Partizan Categoría:Adestradores da selección de fútbol de Serbia Categoría:Adestradores do RE Mouscron Categoría:Adestradores do Hércules CF Categoría:Adestradores do Real Valladolid Categoría:Adestradores do Valencia CF Categoría:Adestradores do Córdoba CF