Guitar Wolf é unha banda xaponesa de garage punk fundada en Nagasaki en 1987. O grupo é coñecido polos seus temas con voces penetrantes e un volume excesivo nos seus temas de punk influenciado polo noise que fan énfase na distorsión e no feedback. A banda define o seu estilo coma "jet rock 'n' roll", un enérxico cruzamento entre os Ramones, o rockabilly, o punk rock e o garage rock.
Guitar Wolf leva editados nove álbums de estudio internacionalmente así como un en directo, varios sinxelos, e un recompilatorio titulado Golden Black. Os seus membros tamén apareceron en dúas películas de serie B de terror/ciencia ficción: Wild Zero e Sore Losers. Unha colección dos vídeos máis populares e de actuacións en directo de Guitar Wolf foi recompilada nun DVD titulado Red Idol. En marzo do 2005 o baixista e membro fundador Billy, tamén coñecido coma Bass Wolf, morreu dun ataque ao corazón aos 38 anos. O seu substituto, U.G., converteuse nun membro permanente da banda que na actualidade funciona como un trío formado por Seiji (Guitar Wolf), U.G. (Bass Wolf) e Toru (Drum Wolf).
Discografía Álbums de estudio Run Wolf Run - 1994 (Less Than TV) Missile Me! - 1995 (Matador) Planet Of The Wolves - 1997 (Matador) Jet Generation - 1999 (Matador) Rock'n'roll Etiquette - 2000 (Narnack) Live!! - 2000 (Ki/oon) UFO Romantics - 2002 (Narnack Records) Loverock - 2004 (Narnack) Golden Black - 2005 (Narnack) Dead Rock - 2007 (Sony) Mars Twist - 2007
Categoría:Grupos musicais de garage punk Categoría:Grupos musicais do Xapón Categoría:Grupos musicais formados en 1987