Este artigo trata sobre o álbum de The Cure, para o sinxelo de Nine Inch Nails véxase "Wish".
Wish é o noveno álbum de estudio da banda inglesa The Cure, editado o 21 de abril de 1992. É o último traballo de estudio do grupo con Boris Williams e o primeiro con Perry Bamonte, ademais de ser o último con Porl Thompson despois de 16 anos.
A pesar de non ser tan ben recibido pola crítica como Disintegration, Wish é o álbum de The Cure que máis alto chegou nas listas, dándolle o seu primeiro número 1 no Reino Unido e 2 nos Estados Unidos, onde vendeu máis de 1,2 millóns de copias.
O seu segundo sinxelo, "Friday I'm in Love", converteuse nunha das cancións máis coñecidas da banda, acadando o número 6 no Reino Unido, o 17 nos Estados Unidos e o 1 en Suráfrica.
A popularidade do álbum fixo que The Cure estivese nomeado ao Grammy ao mellor álbum de música alternativa de 1993.
Listaxe de cancións Todos os temas compostos por The Cure (Perry Bamonte, Simon Gallup, Robert Smith, Porl Thompson, Boris Williams).
EP Lost Wishes
Catro temas instrumentais tomados das sesións para o Wish. Editado en 1994 como edición limitada en casete e só a través de pedidos por correo.
Categoría:Álbums de The Cure Categoría:Álbums musicais de 1992 Categoría:Álbums producidos por Robert Smith Categoría:Álbums de Elektra Records Categoría:Álbums de Fiction Records