O Grupo Compostela de Universidades é unha asociación sen ánimo de lucro que agrupa a máis de sesenta universidades de todo o mundo. O seu obxectivo é a promoción e a execución de proxectos de colaboración interuniversitaria.
Historia No ano 1993, Ano Xacobeo, a Universidade de Santiago de Compostela iniciou contactos con outras institucións de educación superior localizadas no secular Camiño de Santiago. O seu principal obxectivo era establecer unha rede que facilitase a colaboración entre universidades para preservar a herdanza histórica e cultural xurdida ao redor da peregrinación a Compostela.
Tras estes primeiros contactos, 57 universidades europeas acudiron a unha reunión en Santiago entre o 2 e o 4 de setembro de 1993 para establecer as principais liñas de creación e determinar os seus obxectivos. Establecéronse tres puntos básicos: Fortalecer as canles de comunicación entre as universidades socias. Organizar eventos para o estudo e a discusión de diferentes cuestións relacionadas con Europa. Promover a mobilidade como a base para incrementar o coñecemento das diferentes linguas e culturas europeas.
Unha comisión formada por representantes das universidades de Valladolid, Liexa, Nantes, Göttingen, Minho, Jaume I e Santiago de Compostela elaborou as Normas Estatutarias e a Normativa do Grupo Compostela de Universidades. Estes documentos foron aprobados na Asemblea Constituínte que tivo lugar na Universidade de Santiago os días 2 e 3 de setembro de 1994.
Nun principio, o Grupo constituíuse exclusivamente con universidades europeas. Dende a Asemblea Xeral de Roehampton (Reino Unido), celebrada en setembro do 2007, as institucións de educación superior doutras partes do mundo (Norte de África, América Latina, Oceanía...) son admitidas como membros de pleno dereito.
Dende a súa creación, o Grupo Compostela ten organizado talleres de aprendizaxe, promovido conferencias de dimensión internacional, deseñado proxectos de mobilidade intercontinental (como o STELLA, unha orixinal proposta dirixida ao persoal administrativo das universidades )e mesmo creado unha serie de grupos de traballo en áreas de interese social (estudos de xénero, lingüísticos, relacionados coa conservación da herdanza cultural do Camiño de Santiago, europeos etc.).
Unha das principais funcións do Grupo é a de catalizar os procesos de comunicación entre as universidades socias. Para isto, entre outras actuacións, ten unha relevancia especial a celebración da Asemblea Xeral do Grupo, que acostuma ter lugar no mes de setembro. Neste evento anual, ademais de revisarse os aspectos administrativos da rede, as institucións educativas reunidas teñen ocasión de poñer en común as súas experiencias, debater e presentar propostas para iniciativas conxuntas.
O Grupo Compostela participou e participa en multitude de proxectos internacionais concedidos pola Comisión Europea. Foi coordinador de tres TEMPUS MEDA (IGBRIU, GASRIU, MUQ), participou como socio en dous Lifelong Learning Programmes (GRUNDTVIG-PAVE e Action Key 1-CHINESECOM), nun Socrates Thematic Network con Eslovenia e en dous ERASMUS MUNDUS (External Cooperation Window e Master Stipends: Glitema). Actualmente, está participando como socio no programa TEMPUS CORINTHIAM con Israel.
Ademais, a mediados do 2010, o Grupo Compostela reuniu un grupo de expertos para traballar na creación, desenvolvemento e implantación, xunto co Centro EMUNI (Portoroz, Eslovenia), dun máster executivo en Xestión de educación superior, finanzas e mellora da calidade.
Premio Internacional Grupo Compostela-Xunta de Galicia
En 1996 o Grupo Compostela de Universidades e a Consellería de Cultura, Comunicación Social e Turismo do goberno galego firmaron un acordo para o establecemento do Premio Internacional Grupo Compostela-Xunta de Galicia, unha recompensa anual para persoas ou institucións destacadas debido ao seu traballo a prol da difusión de proxectos ou ideas de alcance internacional, especialmente aquelas relacionadas coa promoción do ideal común europeo, a educación e a preservación da nosa herdanza cultural.
O xurado do Premio Compostela está presidido polo titular do Goberno galego e formado por tres personalidades escollidas pola institución; habitualmente, o conselleiro de Cultura e Turismo, o conselleiro de Educación e Ordenación Universitaria e o secretario xeral para Universidades. Por parte do Grupo Compostela, compoñen o xurado o presidente da institución e os reitores de tres universidades do Grupo que son elixidos na Asemblea Xeral previa á reunión do xurado.
Membros <font color="#FFFFFF">Grupo Compostela de Universidades <font color="#FFFFFF"> Fundación 1993 <font color="#FFFFFF"> Membros 67 <font color="#FFFFFF"> Países 27 <font color="#FFFFFF"> Presidente Maurits van Rooijen <font color="#FFFFFF"> Sede Santiago de Compostela <font color="#FFFFFF"> Acrónimo GCU <font color="#FFFFFF"> Homepage GCompostela.org O grupo está formado por 67 universidades de 27 Estados distintos. PaísesUniversidades asociadas International School of ManagementUniversidade de RatisbonaUniversidade Philipps de Marburgo Erasmushogeschool Brussel Universidade de Tecnoloxía Química e Metalurxia UNESP-Universidade Estadual Paulista 'Julio de Mesquita Filho' Universidade Mayor Universidade da CoruñaUniversidade de AlacantUniversidade de AlmeríaUniversidade de CádizUniversidade de CantabriaUniversidade de Castela-A ManchaUniversidade de EstremaduraUniversidade de XaénUniversidade Xaime IUniversidade das Palmas de Gran CanariaUniversidade de LeónUniversidade de LleidaUniversidade de MálagaUniversidade de OviedoUniversidade do País VascoUniversidade Politécnica de CartaxenaUniversidade Politécnica de MadridUniversidade Pontificia de ComillasUniversidade Pública de NavarraUniversidade Rovira i VirgiliUniversidade de Santiago de CompostelaUniversidade de ValladolidUniversidade de VigoUniversidade de XironaUniversidade de Zaragoza Universidade de Arizona Universidade Northeastern Universidade de Massachusetts Lowell Universidade de Oulu Universidade Bordeos I Universidade de Nantes Universidade de Pécs Universidade de FoggiaUniversidade de Kore di EnnaInternational Telematic University UNINETTUNOUniversidade de Perugia Universidade de Prishtina International School of Law and Business Universidade de Malta Instituto Tecnológico y de Estudios Superiores de MonterreyUniversidade de GuadalajaraUniversidade de Monterrey Universidade de Bergen Pontificia Universidade Católica del PerúUniversidade de Lima Universidade Adam Mickiewicz de PoznanUniversidade de ŁódzPultusk Academy of Humanities Universidade de AveiroUniversidade de LisboaUniversidade do PortoUniversidade de ÉvoraUniversidade do MinhoUniversidade Católica Portuguesa Universidade de Roehampton Universidade Masaryk Universidade Socio-Económica Estatal de Saratov EMUNI Universidade Universidade de Karlstad Escola de Traballo Social de LucernaUniversidade de Friburgo
Membros asociados Membresía mutuaCHE Consult-Centre for Higher Education Development ConsultCONAHEC- Consortium for North American Higher Education Collaboration Going Global FAUBAIi-graduate-International Graduate Insight Group (United Kingdom)
Véxase tamén Ligazóns externas Compostela Group
Categoría:Grupo Compostela de Universidades