Raquel Arias Rodríguez, nada en Proendos (Sober) o 2 de abril de 1966, é unha xornalista e política galega do PPdeG.
Traxectoria Licenciada en Xornalismo pola Universidade Complutense de Madrid. Traballou en Radiocadena Española e Radio Nacional de España. Foi redactora de informativos na Radio Galega en Santiago de Compostela. Tamén colaborou nos xornais El Progreso e La Voz de Galicia e foi correspondente de El Mundo na provincia de Ourense. De 1996 a 1999 foi responsable do gabinete de prensa do concello de Monforte de Lemos.
Foi alcaldesa de Sober polo PPdeG entre 1999 e 2009 e deputada provincial entre 1999 e 2003 e 2007 e 2008. Foi elixida deputada no Congreso pola provincia de Lugo nas eleccións xerais de 2008. Dimitiu como deputada en 2009 para desempeñar o cargo de delegada territorial da Xunta de Galicia en Lugo. Foi elixida deputada do Parlamento de Galicia nas autonómicas de 2012.
Na actualidade exerce o cargo de Delegada Territorial da Xunta de Galicia e forma parte da Executiva do PPdeG como coordinadora de Medio Rural. Tamén optou á presidencia provincial do Partido Popular de Lugo, pero resultou derrotada pola daquela alcaldesa de Mondoñedo, Elena Candia López. Nas eleccións ao Parlamento galego de 2024, saíu elixida deputada por Lugo.
O 19 de maio de 2026, foi nomeada vicepresidenta do Parlamento galego substituíndo a Elena Candia.
Notas
Véxase tamén Bibliografía
Outros artigos Eleccións municipais en Sober Lista de deputados galegos no Congreso desde a Transición
Ligazóns externas Ficha en galegos.info Ficha no Congreso dos Deputados
Categoría:Deputados de Galicia no Congreso dos Deputados Categoría:Alcaldes de Sober Categoría:Alcaldes de Galicia durante a democracia Categoría:Alcaldes de Galicia polo PPdeG Categoría:Deputados provinciais de Lugo Categoría:Deputados do Parlamento de Galicia polo PPdeG Categoría:Nados en Sober Categoría:Nados en 1966 Categoría:Deputados da IX Lexislatura do Parlamento de Galicia Categoría:Deputados da X Lexislatura do Parlamento de Galicia Categoría:Deputados da XI Lexislatura do Parlamento de Galicia Categoría:Personalidades de Galicia sen imaxes Categoría:Deputados da XII Lexislatura do Parlamento de Galicia Categoría:Alumnos da Universidade Complutense de Madrid