Dido and Aeneas (en galego, Dido e Eneas) é unha ópera en tres actos con música de Henry Purcell e libreto en inglés do dramaturgo e poeta Nahum Tate (1652-1715), baseado na súa traxedia Brutus of Alba or The Enchanted Lovers e no canto IV de Eneida de Virxilio. Foi composta en 1682 e posúe número de catálogo Z. 626."Z" refírese ao catálogo de Zimmerman das obras de Purcell polo musicólogo estadounidense Franklin B. Zimmerman
Relata a historia de amor entre Dido, raíña de Cartago e o heroe troiano Eneas, e a súa desesperación cando a abandona. Unha obra monumental na ópera barroca, lémbrase como unha das máis destacadas obras teatrais de Purcell.Price en Grove Dido e Eneas foi a primeira ópera de Purcell e encóntrase entre as primeiras óperas inglesas, e debe moito a Venus and Adonis, ópera de John Blow, tanto en estrutura como no efecto xeral.
É unha das óperas máis importantes do Barroco e está considerada como a primeira ópera nacional inglesa. Pode considerarse como a única ópera -no sentido estrito do xénero- verdadeira de Purcell, se se compara con outras obras como King Arthur (1691) ou The Fairy Queen (1692), que responden ao perfil de semióperas. Dido e Eneas é un dos dramas máis coñecidos de Purcell e quizais de toda a produción inglesa.
A primeira representación tivo lugar na escola de rapazas de Josias Priest en Londres non máis tarde do verán de 1688. A estrea comercial foi en Londres a principios de 1700.
Notas
Véxase tamén
Categoría:Óperas de Henry Purcell Categoría:Óperas en inglés Categoría:Óperas de 1689