Explorer 24, tamén denominado AD-B (Air Density B), foi un satélite científico da NASA pertencente á serie de satélites Air Density lanzado o 21 de novembro de 1964 desde a base Vandenberg da Forza Aérea a bordo dun foguete Scout X-4.
Características Explorer 24 foi o terceiro dunha serie de satélites inflables esféricos de 3,6 metros de diámetro adicados a determinar a densidade da atmosfera superior. Foi lanzado xunto con Explorer 25 e inxectado nunha órbita inicial de 2498 km de apoxeo e 530 km de perixeo cunha inclinación orbital de 81,4 graos.
A esfera do satélite estaba formada capas alternas de aluminio e mylar. Sobre a capa externa, de aluminio, había círculos brancos de 5,1 cm de diámetro para o control térmico. O satélite estaba deseñado para proporcionar datos sobre a densidade atmosférica durante o perixeo como unha función do espazo e do tempo a partir de observacións secuenciais. Para facilita-lo seguimento, levaba a bordo unha baliza que emitía a 136,620 MHz de frecuencia.
Explorer 24 reentrou na atmosfera o 18 de outubro de 1968.
Resultados Explorer 19 axudou a determinar a variación en densidade entre o lado diúrno e nocturno da Terra e deu lugar a estudos sobre os ventos zonais na exosfera, a altura de entre 450 e 620 km.
Notas
Véxase tamén Outros artigos Air Density (satélites) Explorer 9 Explorer 19 Explorer 39
Ligazóns externas Información filatélica sobre os satélites da serie Explorer
Categoría:Programa Explorer