José Antonio Durán Iglesias, nado en Requeixo de Seabra (provincia de Zamora) o 15 de maio de 1941 e finado en Pontevedra o 29 de agosto de 2020, foi un escritor e investigador galego.
Traxectoria Fillo dos galegos José Manuel (Pepe) Durán Lusquiños e Evangelina Iglesias Tobío, criouse en Pontevedra, onde residían os seus pais e onde fixo o bacharelato. Diplomado en Maxisterio en Pontevedra e licenciado en Ciencias da Educación en Madrid, traballou como técnico en planificación educativa. Dende 1972 dedicouse aos estudos históricos e sociolóxicos. As súas investigacións centráronse no estudo da sociedade galega, do agrarismo e dos poderes locais. Colaborou n'A Nosa Terra, Boletín da Real Academia Galega, Estudios de Historia Social, Triunfo, Diario de Pontevedra, Tiempo de Historia, La Voz de Galicia e El País.
Dirixiu, produciu e escribiu o guión dos vídeos Republicanismo histórico coruñés: 1868-1936 (2001) e Triunfo y tragedia de los Casares: de La Coruña al escenario universal (2001). Recibiu o premio do Instituto Nacional del Libro e o Premio Fernández Latorre (1976).
Escribiu no premiado blog de Internet La Cueva de Zaratustra.
En febreiro de 2022 o Ateneo de Pontevedra en colaboración coa Deputación de Pontevedra e a Universidade de Vigo organizou as xornadas Celebración de José Antonio Durán. Falaron Luís Cochón Touriño, Rosario Álvarez Blanco, Carlos Valle Pérez, Rafael Chacón Calvar, Justo Beramendi, Miguel Anxo Seixas e Mª Xesús Fortes.
Obras Historia de caciques, bandos e ideologías en la Galicia urbana. Rianxo 1910-1914 (1972) El primer Castelao. Biografía y antologías rotas (1909-1916) (1972) Cronicas 1. Agitadores, poetas, caciques, bandoleros y reformadores en Galicia (Colección Arealonga, 1974) Agrarios del minifundio. La prensa agraria, 1900-1912 (1975) Agrarismo y movilización campesina en el país gallego, 1875-1912 (1976) Castelao en "El Sol" (1976) Crónicas 2. Entre el anarquismo agrario y el librepensamiento (Colección Arealonga, 1977) Galicia. Realidad económica y conflicto social (1978) Crónicas 3. Entre la Mano Negra y el nacionalismo galleguista (1981) Aldeas, aldeanos y labriegos en la Galicia tradicional (1984) "Antonio Losada Diéguez, perfil dun agrarista" en Imaxe da portada de Losada Diéguez. Obra Completa. Crónicas 4. Conflictos de hoy, historias románticas y diarios modernos (1986) Camilo Díaz Baliño. Crónica de otro olvido inexplicable (1990) A loita pola vida (1833-1923). Conflictos e tenruras de Manuel Murguía. Fundación Caixa Galicia-RAG (1999) Alfredo Vicenti, "El maestro" del periodismo español (Santiago, 1850 / Madrid, 1916) (2001) Galiciana básica de Alfredo Vicente (poesía e prosa, 1868-1916) (2001) Cesáreo González, el empresario espectáculo. Viaje al taller de cine, fútbol y varietés del general Franco (2003) Historia e lenda dos Muruais. Do folletín posromántico ó andel modernista (2004) Los Vega. Memorias íntimas de Juana de Vega, condesa de Espoz y Mina (Coruña, 1805-1872) (2006) Arredor das Irmandades da Fala (2016, Xerais).
Notas
Véxase tamén Bibliografía
Ligazóns externas Autobiografía La Cueva de Zaratustra
Categoría:Historiadores de Galicia Categoría:Enciclopedistas de Galicia Categoría:Historiadores de Historia Contemporánea Categoría:Personalidades de Galicia sen imaxes Categoría:Alumnos da Universidade de Santiago de Compostela Categoría:Guionistas de Galicia Categoría:Escritores de Galicia en lingua castelá Categoría:Escritores de Galicia en lingua galega Categoría:Editores de Galicia Categoría:Ensaístas de Galicia Categoría:Nados na provincia de Zamora Categoría:Nados en 1941 Categoría:Finados en 2020