Ildikó Rejtő, tamén coñecida como Ildikó Uljakiné-Rejtő ou Ildikó Ságiné-Ujlakiné-Rejtő, nada en Budapest o 11 de maio de 1937 é unha tiradora de esgrima húngara, gañadora de sete medallas olímpicas.
Traxectoria Xorda de nacemento, comezou a practicar esgrima aos quince anos e os seus adestradores comunicábanse con ela por medio de notas. Especialista na modalidade de florete, en 1956 foi a campioa mundial xuvenil e en 1958 a campioa húngara. Participou aos 23 anos nos Xogos Olímpicos de 1960 celebrados en Roma, conseguindo a medalla de prata por equipos, quedando tras do equipo soviético. Nos Xogos Olímpicos de 1964 de Tokyo levou a medalla de ouro tanto na proba individual como por equipos. Nos Xogos Olímpicos de 1968 de México gañou a medalla de prata na proba por equipos, de novo por tras do equipo soviético e a medalla de bronce na proba individual. Nos Xogos Olímpicos de 1972 de Múnic gañou unha nova medalla de prata na proba por equipos, metal que se converteu en bronce nos Xogos Olímpicos de 1976 de Montreal. Despois de retirarse da alta competición foi adestradora da sección de esgrima do Újpest FC (1981-1987) e do Budapesti Honvéd desde 1987. Activa participante do circuíto de veteranos foi campioa de Europa en 1995 e do mundo de veteranas en 1999.
Ao longo da súa carreira gañou quince medallas no Campionato do Mundo de Esgrima, entre elas cinco de ouro.
Véxase tamén Ligazóns externas www.olympic.org - Ildikó Újlaky-Rejtő www.sports-reference.com - Ildikó Újlaky-Rejtő
Categoría:Nados en 1937 Categoría:Esgrimistas olímpicos de Hungría Categoría:Medallistas olímpicos en esgrima Categoría:Medallistas olímpicos de ouro por Hungría Categoría:Medallistas olímpicos de prata por Hungría Categoría:Medallistas olímpicos de bronce por Hungría Categoría:Mestres de armas Categoría:Nados en Budapest Categoría:Esgrimistas de florete Categoría:Medallistas nos Xogos Olímpicos de 1960 Categoría:Medallistas nos Xogos Olímpicos de 1964 Categoría:Medallistas nos Xogos Olímpicos de 1968 Categoría:Medallistas nos Xogos Olímpicos de 1972 Categoría:Medallistas nos Xogos Olímpicos de 1976 Categoría:Adestradores deportivos Categoría:Esgrimistas nos Xogos Olímpicos de 1960 Categoría:Esgrimistas nos Xogos Olímpicos de 1964 Categoría:Esgrimistas nos Xogos Olímpicos de 1968 Categoría:Esgrimistas nos Xogos Olímpicos de 1972 Categoría:Esgrimistas nos Xogos Olímpicos de 1976