L'è trii dì (che 'l pioeuv e 'l fiocca), cognossuda anca 'me Martino e Marianna l'è ona canzon tradizzional lombarda. L'è ona canzon umoristega, che la mostra on marì e ona miee che resien in tra de lor, anca se poeu a la fin fann la pas. A l'è stada registrada vari voeult: per esempi di Gufi (Milano canta n. 1, 1964), de l'Enzo Jannacci (Sei minuti all'alba, 1965) e poeu anmò del Nanni Svampa (Milanese n. 1, 1970). El test L'è trii dì che 'l pioeuv e 'l fiocca, mè marì l'è mai tornaa: o che 'l s'è perduu in la fiocca, o che 'l s'è desmentega...
Martino: Derva quell uss, corpo de biss, derva quell uss, sangu de biss, derva quell uss, Marianna!
Marianna: Dove te seet staa, corpo de biss, dove te seet staa, sangu de biss, dove te seet staa, Martino?
Martino: Son staa al mercaa! (ecc.) Marianna: Coss t'heet compraa? (ecc.) Martino: On bell capell! (ecc.) Marianna: Coss te gh'heet daa? (ecc.) Martino: Gh'hoo daa cinch franch. (ecc.) Marianna: Te gh'heet daa tropp! (ecc.) Martino: Son mì el padron! (ecc.) Marianna: Te doo 'n s'giaffon! (ecc.) Martino: Cià, femm la pas? (ecc.) Marianna: Femm on ballett! (ecc.)
L'è trii dì che 'l pioeuv e 'l fiocca, mè marì l'è mai tornaa; per pu perdel in la fiocca, mì l'hoo saraa su in la cà! Categoria:Canzon in lombard