Kijŏng-dong, Kijŏngdong putost che Kijŏng tong ("Vilagg de la Pas") a l'è on vilagg de la Corea del Nòrd, situaa arent a la Zona demelitarizzada coreana e arent a la cittaa de Kaesŏng. Cognossuu anca comè "Vilagg de la Pas" in Corea del Nòrd, el vegn de solet indicaa comè on "Vilagg propaganda" di media occidentaj e sud-corean"Korean Demilitarized Zone" Globalsecurity.org.
Kijŏng-dong a l'è vun di duu vilagg che a hinn restaa denter la zona demelitarizzada larga 4 chilometer pientada-sù in del 1953 a la fin de la guerra de Corea. L'alter vilagg a l'è Daeseong-dong, inde la Corea del Sud.
Stòria La posizion ofiziala del govern de la Corea del Nòrd a l'è che in del vilagg gh'è ona fattoria collettiva de 200 famej, servida da on center de assistenza per i bagai, asili, scoeul elemetar e segondari e on ospedaaA Sightseeng Guide to Korea by Pang hwon Ju & Hwang Bong Hyok, Foreign Languages Publishing House, Pyongyang, DPRK. 1991. Tutavia, osservazion faa da la Corea del Sud, fan capì che in realtaa in del vilagg gh'è staa de cà nissun. A s'è capii che 'l vilagg a l'è staa faa-sù in di agn cinquanta del secol XX cont l'obiettiv de propaganda, per incoraggià la gent de la Corea del Sud a scappà in del Nòrd e per loggià i soldaa del Nòrd che curaven la red de postazion de artigliaria, contrafort e bunker che stan tutt intorna a la zona de confinPotts, Rolf. Sullivan, Kevin. .
In del paes a gh'hinn di edifiz cont pussee d'on pian e appartament de cement cont di color brilant, tant che gh'hann anca l'energia elettriga. La cittaa a l'è stada mettuda in ona manera che i tecc che sgargen de color bloeu e i laa bianch di edifiz se pòden vedè mej arent a la bandera de la Corea del Nòrd, se veduu da oltra el confin. Di osservazion faa cont di telescòp modern hann, però, faa capì che i edifiz a hinn, in realtaa, domà di sempliz guss de cement che gh'hann nanca i veder ai finester e nanca, adrittura, i camer dededentO'Neill, Tom. "Korea's DMZ: Dangerous Divide". National Geographic, July 2003., cont i lus che se pizzen o se smorzen a or stabilii e marciapè voeuj nettaa-sù da custòd, inscì che 'l par che gh'è on quajghedun che 'l viv lì.
El paes a l'è circondaa da camp coltivaa bej gross che se pòden vedè ben da la part nòrd-coreana de la DMZ.
Guerra di pennon In di ann 80 del secol XX, el govern de la Corea del Sud l'ha deciduu de faa-sù a Daeseong-dong on pennon alt 98,4 meter, indue podè tacà-sù la sò bandera nazionala. De contra, el govern de la Corea del Nord la n'ha faa-sù vun anca lee, alt 160 meter mettuu-giò al center del vilagg e che a l'è restaa el pennon pussee alt del mond fin al 2010 "Korea's DMZ: 'Scariest place on Earth'", CNN.com, 20 février 2002 . Chest event chì a hinn staa depos ciamaa cont el nomm de "la guerra di pennon".
Altoparlant per la pròpaganda Fin al 2004, on quaj gross altoparlant a l'è staa mettuu sora i tecc d'ona quaj cà per fà scoltà di messagg de pròpaganda fin a la Corea del Sud. Al principi, el contegnuu di messagg esaltava i virtù del Nòrd in ona manera precisa comè e speronava i soldaa minga content e i agricoltor a andà a travers el confin indue sarïen staa trattaa comè di fradej. Depos, veduu el bass numer de defezion da part del Sud, i contegnuu di messagg a hinn mudà in discors de condana de l'occident putost che in musigh patriottigh trasmettuu fin a 20 or al dì. Dal 2004 i govern del Nòrd e del Sud hann deciduu, de comun acòrd, de finì con la trasmission di messagg.
Fotografii
Vos ligaa Vilagg Potëmkin Cittaa fantasma Guerra de Corea
Nòt
Categoria:Guerra Freggia