Букова гулапка (, порано Russula mairei) — базидиомицетна габа од родот Гулапка. Оваа група на габи се познати по нивните кршливи ливчиња и светли бои.
Таксономија Претходно била наречена во чест на францускиот миколог Рене Мер од Ролф Сингер во 1929 година, но било откриено дека е истиот таксон како и претходниот Russula nobilis од 1920 година, кој има приоритет на именување.
Опис Шапката е црвена или розова боја, 3–6 см широка, конвексна до рамна, или малку потисната и слабо леплива. Се лупи само до третина од својот полупречник, со што се открива розово месо. Месото е цврсто и бело или понекогаш жолтеникаво, мириса на кокос и има лут вкус. Често се оштетува. Дршката е 2–5 см долга, 1–1,5 см широка, цилиндрична, (поцврста од истоимената која има живеалиште на четинари, Бесна гулапка ) и бела. Ливчињата се тесно распоредени, додадени, заоблени и бели, често со слаб сино-зелен сјај. Отпечатокот на спори е бел.
Распространетост и живеалиште Видот е во микориза со бука во шумските предели. Таа е широко распространета и вообичаена во Европа, Азија и Северна Америка, каде што растат овие дрвја.
Јадливост Буковата гулапка не се јаде и веројатно е отровна по количина, но не и смртоносна. Многу видови со црвена шапка со горчлив вкус може да предизвикаат проблеми ако се јадат сирови. Симптомите се главно гастроинтестинални по природа: дијареа, повраќање и колични стомачни грчеви. Активниот агенс не е идентификуван, но се смета дека е предизвикан од хемиски соединенија познати како сесквитерпени, кои се изолирани од сродниот род Lactarius и од Russula sardonia.
Наводи
„Дански габи. Basidiesvampe“ [клуч за данските базидиомицети] JH Petersen и J. Vesterholt eds. Гилдендал. Виборг, Данска, 1990 година.ISBN 87-01-09932-9
Надворешни врски
Категорија:Габи на Македонија Категорија:Нејадливи габи Категорија:Гулапка Категорија:Габи на Европа Категорија:Габи на Северна Америка Категорија:Габи на Азија