врска=//upload.wikimedia.org/wikipedia/commons/thumb/8/8d/Annot Sunflowers 1929 in European artists teaching in America. 1941.png/200px-Annot Sunflowers 1929 in European artists teaching in America. 1941.png|мини|200x200пкс|Црно-бела фотографија на „Сончогледи“, 1929 година, од Анот. Анот (; 27 декември 1894 година – 20 октомври 1981 година), позната по нејзиниот брак како Анот Јакоби, ― германска сликарка, учителка по уметност, ликовен писател и пацифист. Како резултат на политичкото непријателство во Германија, таа помина голем дел од својот живот во Соединетите Држави и Порторико.

Ран живот Ано е родена на 27 декември 1894 година во Берлин како Ана Отили Кригар-Менцел, во семејството на Ото Кригар-Мензел и Јакоба Елинг. Таа потекнува од висококласно семејство на академици. Нејзиниот татко бил професор по теориска физика на Универзитетот во Берлин, а нејзината мајка професионална пејачка. Нејзините кумови биле композиторот Јоханес Брамс и сликарот Адолф Менцел, кој бил и стрикото на татко и.

Образование Раната уметничка обука на Ано се одвивала во Школата за цртање и сликање на Здружението на уметници од Берлин (Verein der Berliner Künstlerinnen). Студирала со Фриц Рајн и Карл Беневиц фон Лофен дер Јунгер. Во 1915 година, Анот студирала во сликарското училиште на Ловис Коринт. Анот била дел од Берлинската сукцесија, авангардна група уметници која наводно примила само една или две жени. Таа ги потпишувала нејзините дела со „Annot“.

Сликарство и пацифизам Во 1916 година, во знак на протест против Првата светска војна, таа ширела самонапишани пацифистички меморандуми и била осудена на 30 дена затвор. Зибрехт ја смета нејзината положба како исклучителна. Во текот на 1916 до 1920 година, Анот живеела во Осло, Норвешка, каде што продолжила да се залага за мир. Во 1920 година се вратила во Берлин, каде што работела во Германски сојуз за човекови права (Deutsche Liga für Menschenrechte), како и во нејзината претходничка организација Сојузна нова татковина (Bund Neues Vaterland) и Женската меѓународна лига за мир и слобода. Таа била пријателка на Анет Колб и Карл фон Осиецки.

Во 1921 година се омажила за сликарот Рудолф Јакоби. Тие имаа две деца и живееле од 1923 до 1926 година во Позитано. Од 1926 до 1928 година Анот отишла во Париз да учи кај сликарот Андре Лоте. Во 1928 година, таа и нејзиниот сопруг отвориле сликарско училиште во Берлин. Имале и заедничка изложба во Нојман-Нирендорфовата галерија. Неколку слики на Анот биле купени за Националната галерија во Берлин. Во 1933 година Јакобиеви биле принудени да го затворат своето училиште по наредба на нацистите, бидејќи тие одбиле да ги отпуштат своите еврејски ученици. Нејзините слики биле означени во нацистичка Германија како „дегенерирани“ и уништени или украдени.

Потоа, Анот се преселила со нејзиниот сопруг во Соединетите Држави, отворајќи го уметничкото училиште и галеријата „Анот“ во Рокфелеровиот центар. Во галеријата, таа ги покажала делата на уметници како Кетрин С. Драјер. Во текот на 1930-тите и 1940-тите тие живееле во Њујорк, летувајќи ги во Глостер, Масачусетс. Анот освоила бројни награди, вклучително и златен медал за нејзината слика на Кете Крузе и нејзините деца, на изложба во Њујорк во 1935 година. Анот, исто така, се издржувала себеси и своето семејство работејќи како дизајнер на ентериер.

Таа и нејзиниот сопруг продолжиле да бидат активни во мировното движење, дури и откако Соединетите Држави влегле во Втората светска војна во 1942 година. Анот станала квекер во 1941 година. Во 1945 година, Анот станала претседател на Поткомитетот за пакети со храна за Европа, создаден за испраќање пакети со храна и писма на адресите поднесени од Комитетот за услуги на американските пријатели, вклучувајќи ги и германските пријатели. Таа, нејзиниот сопруг и нивната ќерка Стела биле идентификувани како членови на месечниот состанок на Вестбери во преглед на уметничка изложба во 1958 година. Тие се споменуваат како членови на Подготвителниот состанок на Матинкок, Њујорк, во 1959 година.

Во 1956 година, Анот и нејзиниот сопруг отпатувале во Порторико каде го посетиле Пабло Казалс. Тие биле особено привлечени од „расната интеграција што се чувствува таму во сите услови на живот“. Анот била активна во кампањата за јадрено разоружување, помагајќи да биде создаден Порториканскиот комитет за здрава јадрена политика, на кој таа била назначена за почесен претседател. Почесни претседавачи биле и Пабло Казалс и Алберт Швајцер. Анот и Јакоби живееле главно во Порторико до 1967 година кога се вратиле во Германија и се доселиле во Минхен.

Уметнички дела Анот била стилски под влијание на францускиот импресионизам. Од 1928 до 1930 година таа се концентрирала на сликарски циклус во кој ги прикажува лицата на работничките жени. Работата на Анот во ова време се одликува со лабава дарежлива површинска обработка. Овој циклус на слики вклучува жена хирург, адвокат и физиотерапевт, а била пофалувана од Анели Лутгенс.

Во февруари 1935 година, Анот ја одржала својата прва самостојна изложба во Соединетите Држави, во галеријата „Мари Стернер“, Њујорк. Нејзините слики и гвашки дела биле позитивно разгледани. Таа, исто така, поставила изложба во галеријата „Кетрин Кух“ во Чикаго во октомври 1936 година.

Во 1977 година, сеопфатна изложба на делата на Анот била сторена во Куќата во Луцовплац во Берлин. Во 1978 година, нејзиниот труд бил прикажан во Галеријата „фон Аберкрон“ во Минхен.

Подоцнежен живот Рудолф Јакоби, сопругот на Анот, починал во 1972 година. Анот починала на 20 октомври 1981 година во Минхен, Германија.

Поврзано

Список на германски жени уметници Список на германски сликари Список на мировни активисти

Наводи

Надворешни врски

: Annot Jacobi Archive Ано Џејкоби : датотека со уметник : проучување фотографии и репродукции на уметнички дела со придружна документација 1930?–1990, Музеј на модерна уметност (Њујорк, Њујорк) Јакоби, Анот, Useen Nord

Категорија:Починати во 1981 година Категорија:Родени во 1894 година Категорија:Германски квакери Категорија:Германски христијански пацифисти Категорија:Германски импресионистички сликари Категорија:Иселеници од Нацистичка Германија во Соединетите Држави Категорија:Германски иселеници во Норвешка Категорија:Германски иселеници во Итал Категорија:Германски активисти против Втората светска војна Категорија:Германски сликари од 20-ти век