Саманта Карен Фокс (англиски: Samantha Fox; родена на 15 април 1966 година) е англиска поп пејачка и поранешен гламур модел од Мајл Енд во Лондонски Ист Енд. Се прославила како топлес модел во таблоидот „The Sun“, каде што од 1983 до 1986 година често се појавувала. Нејзините слики се појавиле и во многу други публикации. Станала една од најфотографираните Британки во 1980-тите и една од најпопуларните секс симболи во тој период.
Фокс во 1986 година со Jive Records потпишала договор за снимање на пет албуми. Нејзиниот деби сингл за продукциската куќа, „Touch Me (I Want Your Body)“, објавен во март истата година, станал топ-10 хит низ Европа, Северна Америка и Австралија, а во неколку земји се искачил и на прво место. Саманта Фокс својот деби студиски албум Touch Me го објавила во јули 1986 година, а потоа ги објавила и албумите Samantha Fox во 1987 година и I Wanna Have Some Fun во 1988 година, на кои имало песни кои станале меѓународни хитови. Саманта Фокс на Брит наградите во 1988 година била номинирана за најдобар британски женски изведувач. Следеле студиските албуми <i id="mwKQ">Just One Night</i> (1991), <i id="mwKw">21st Century Fox</i> (1997) и Angel with an Attitude (2005) кои комерцијално биле помалку успешни, но таа продолжила со турнеите и навела дека во 2023 година ќе го издаде седмиот студиски албум продуциран од Иан Мастерсон.
Саманта Фокс се појавила во многу филмови и реални телевизиски шоуа, а повремено работела и како телевизиски водител. По шпекулациите за нејзината сексуална ориентација, во 2003 година јавно признала дека е во истополова врска со нејзината тогашна менаџерка Мајра Стратон. Биле заедно 16 години, до смртта на Стратон во 2015 година. По ова Фокс стапила во врска со нејзиниот менаџер за турнеи Линда Биргит Олсен. Тие се свршиле во 2020 година, и се венчале во 2022 година.
Дискографија Студиски албуми
Touch Me (1986) Samantha Fox (1987) I Wanna Have Some Fun (1988) Just One Night (1991) 21st Century Fox (1997) Angel with an Attitude (2005)
Награди и признанија +Name of organisation, nomine work/honour, year(s) listed Награди Дела Година Исход 8-ми Брит награди Најдобар женски соло изведувач1988Фестивал за Дијамантски награди Достигнување во продажба 1987Music Week Europarade - Топ листа на крајот од годината Песна на прво место "Touch Me" (I Want Your Body)1986 "Паневропски награди" од Music & Media Самата1987Европски Хот 100 Синглови – Хот 100 на годината Touch Me (I Want Your Body)1986Трето местоЕвропски Хот 100 албуми – Хот 100 на годината Touch Me 198689-то местоНајдобри 50 видео клипови во 1987 од "Euroclips" Nothing's Gonna Stop Me Now1987НерешеноЕвропски Хот 100 Синглови – Хот 100 на годината Nothing's Gonna Stop Me Now198710-то местоЕвропски Хот 100 албуми – Хот 100 на годината Touch Me 198767-мо место
Наводи
Надворешни врски
Официјален сајт и CIS Саманта Фокс на AllMusic Дискографијата на Саманта Фокс на Discogs Саманта Фокс на IMDb
Категорија:Англиски протестанти Категорија:Живи луѓе Категорија:Родени во 1966 година Категорија:Англиски пејачки Категорија:Англиски глумици Категорија:Англиски пејачки од 21 век Категорија:Англиски пејачки од 20 век Категорија:Англиски модели Категорија:Британски LGBT пејачки Категорија:Англиски LGBT музичари Категорија:LGBT модели Категорија:Англиски поп-пејачки Категорија:Англиски денс музичари Категорија:Англиски хаус музичари Категорија:Пејачи од Лондон