мини|Фотографија од Алисон Лури Алисон Стјуарт Лури (анг: Alison Lurie; 3 септември 1926 година3 декември 2020 г.) ― американскa писателка и академик. За нејзиниот роман „Странски афери“ од 1984 година ја добила Пулицеровата награда за белетристика. Иако е позната како романописец, таа исто така напишала и многу книги кои не се фикција, најчесто поврзани со детската литература и семиотиката на облекувањето.
Живот и дело Алисон Стјуарт Лури е родена на 3 септември 1926 година во Чикаго, а детството го поминала во Вајт Плејнс, Њујорк. Нејзиниот татко Хари Лоренс Лури бил социолог, а нејзината мајка Бернис Лури ( роденото Стјуарт) била новинарка и книжевен критичар. Нејзиниот татко по потекло бил од Латвија, а мајка ѝ била родена во Шкотска. Татко ѝ бил прв извршен директор на Националниот совет на еврејските федерации и фондови за благосостојба. Поради компликации при раѓањето, родена била глува на едното уво и со оштетување на мускулите на лицето. Во 1947 година, дипломирала историја и литература на Редклиф колеџот.
За време на студирањето Алисон Лури го запознала книжевниот критичар Џонатан Пил Бишоп, и се венчале во 1948 година.Fox, Margalit (December 3, 2020). "Alison Lurie, Tart-Voiced Novelist of Manners, Dies at 94". The New York Times. Archived from the original on December 4, 2020. Retrieved December 3, 2020. Бишоп подоцна предавал на Амхерст и на Универзитетот Корнел. Заедно имаат три сина и се развеле во 1984 година. Потоа се омажила за писателот Едвард Хауер. Дел од времето го поминувала во Лондон, дел во Итака и дел во Ки Вест на Флорида.
Во 1970 година, Лури започнала да предава на одделот за англиски јазик во Корнел, каде работела до 1979 година. Таа предавала литература за деца и пишување. Во 1981 година, го објавила научниот труд Јазикот на облеката, книга за семиотиката на облекувањето. Нејзините ставови во Јазикот на облеката во книжевноста се сметаат дека се на рамниште на Модниот систем на Ролан Барт (1985).
Лури починала од природна смрт, на 3 декември 2020 година, на 94-годишна возраст.Fox, Margalit (December 3, 2020). "Alison Lurie, Tart-Voiced Novelist of Manners, Dies at 94". The New York Times. Archived from the original on December 4, 2020. Retrieved December 3, 2020.
Библиографија
Романи
Love and Friendship (1962) The Nowhere City (1966) Imaginary Friends (1967) Real People (1969) The War Between the Tates (1974) Only Children (1979) Foreign Affairs (1984) The Truth About Lorin Jones (1988) Women and Ghosts (1994) The Last Resort (1998) Truth and Consequences (2005)
Детски колекции
The Oxford Book of Modern Fairy Tales (1975) Clever Gretchen and Other Forgotten Folktales (1980) Fabulous Beasts The Heavenly Zoo The Black Geese The Cat Agent (2023)
Научни трудови
The Language of Clothes (1981) Don't Tell the Grown-Ups (1990) Familiar Spirits (2001) Boys and Girls Forever (2003) The Language of Houses: How Buildings Speak to Us (2014): Words and Worlds: From Autobiographies to Zippers (2019)
Награди и почести 1963–1964: Соработник на Фондацијата Јадо Connelly, Phoebe (December 3, 2020). "Alison Lurie, Pulitzer-winning novelist of mordant wit and boundless empathy, dies at 94". The Washington Post. Archived from the original on December 4, 2020. 1965: Соработник на фондацијата Гугенхајм 1966: Соработник на Фондацијата Јадо 1967: Соработник на фондацијата Рокфелер 1978: Книжевна награда од Американската академија за уметности и литература 1985: Пулицерова награда за белетристика 1989: Prix Femina Étranger 1989: Избрана за член на Американската академија за уметности и литература 2005: Избрана за член на Американската академија за уметности и науки 2006: Почесна диплома од Оксфордскиот универзитет 2007: Почесна диплома од Универзитетот во Нотингем 2012–2014: Автор на државата Њујорк
Наводи
Користена литература
Надворешни врски
Категорија:Американски книжевни критичари Категорија:Членови на Американската академија на уметностите и науките Категорија:Професори на универзитетот „Корнел“ Категорија:Починати во 2020 година Категорија:Родени во 1926 година Категорија:Добитници на Пулицерова награда Категорија:Американски романописци