Ким Вајлд (анг: Kim Wilde; родена Ким Смит, 18 ноември 1960 година) ― англиска поп пејачка, диџеј и ТВ водителка.
Ким Вајлд е родена на 18 ноември 1960 година во населбата Чисвик во Западен Лондон и е прво дете на рокенрол музичарот Марти Вајлд (роден Реџиналд Смит) и Џојс Бејкер која претходно била член на танчерска и пејачка група. На деветгодишна возраст, со семејството се преселила во Хертфордшир, каде завршила средно училиште. Во 1980 година, на 20-годишна возраст, завршила основен курс на колеџот за уметност и дизајн Сент Албанс. Под името Ким Вајлд, потпишала за RAK Records.
Во 1981 година ја објавила својата прва песна „Kids in America“ и веднаш забележала успех искачувајќи се на второ место на топ листата во Обединетото Кралство.David Kent (1993) Australian Chart Book 1970–1992, Australian Chart Book, St Ives, N.S.W. Во 1983 година добила Брит награда за најдобра британска соло пејачка.BRITs Profile: Kim Wilde Brits.co.uk. Retrieved 29 February 2012 Во 1986 година, повторно се искачила на второ место во Велика Британија со преработката на песната од Supremes „You Keep Me Hangin' On“, со која исто така во 1987 година се искачила на врвот на американската Billboard Hot 100 листа. Во периодот од 1981 до 1996 година, 25 нејзини песни се пласирале во Топ 50 на UK Singles Chart. Нејзини други хит песни се „Chequered Love“ (1981), „You Came“ (1988) и „Never Trust a Stranger“ (1988). Во 2003 година, соработувала со Нена за песната „Anyplace, Anywhere, Anytime“, која се нашла на врвот на холандската топ листа.
Ким Вајлд е британска соло пејачка која во 1980-тите имала најмногу песни кои се пласирале на Топ 40 листата во Велика Британија, вкупно 17.“Interview: Kim Wilde”. Од 1998 година, за време на нејзината активна музичка кариера, започнала уште една кариера како пејзажен архитект, а во склоп на таа карира, водела емисии за градинарство на Би-Би-Си и на Канал 4. Во 2005 година, Кралското хортикултурно друштво на Цветната изложба во Челзи ѝ доделило Златна награда за уредувањето на градина.
Дискографија
Студиски Албуми
1981 – Kim Wilde 1982 – Select 1983 – Catch as Catch Can 1984 – Teases & Dares 1986 – Another Step 1988 – Close 1990 – Love Moves 1992 – Love Is 1995 – Now & Forever 2006 – Never Say Never 2010 – Come Out and Play 2011 – Snapshots 2013 – Wilde Winter Songbook 2018 – Here Come the Aliens 2025 – Closer
Компилации
1984 – The Very Best of Kim Wilde 1993 – The Singles Collection 1981 – 1993 1993 – The Remix Collection 2001 – The Very Best of Kim Wilde 2006 – The Hits Collection
Библиографија
Gardening with Children (2005) The First-Time Gardener (2006)
Наводи
Надворешни врски
Kim Wilde at AllMusic Kim Wilde discography at Discogs Kim Wilde at IMDb
Категорија:Англиски поп-пејачки Категорија:Англиски градинари Категорија:Добитници на Британски музички награди Категорија:Живи луѓе Категорија:Родени во 1960 година Категорија:Англиски денс музичари Категорија:Англиски њу-вејв музичари Категорија:Англиски текстописци Категорија:Англиски ТВ водители Категорија:Њу-вејв пејачки Категорија:Луѓе од Лондон Категорија:Англиски пејачки од 20 век Категорија:Англиски пејачи и пејачки од 20 век Категорија:Англиски пејачки од 21 век Категорија:Англиски писателки од 21 век Категорија:Англиски пејачи и пејачки од 21 век