Поент а Питр (; креолски: или ) — втор по големина град на францускиот прекуморски регион и департман Гваделуп, веднаш по Лез Абим. Градот е потпрефектура, односно седиште на истоимениот округ Поент а Питр.

Иако не е главен град на Гваделуп (тоа е Бас Тер), Поент а Питр е стопанското седиште на регионот. Во 2018 г. населението броело 15.410 жители во општината/градот и 250.952 во урбаната единица Поент а Питр–Лез Абим.Comparateur de territoire, INSEE

На 3 км северно од градот има меѓународен аеродром, сместен во општината Лез Абим.

Географија Поент а Питр се наоѓа во југозападниот дел на островот Гранд Тер, сместен е во средишниот дел на Гваделуп, близу тесниот проток Солена Река (Rivière Salée) кој ги двои островите Гранд Тер и Бас Тер. Градот е опкружен со општините Лез Абим, Бе Мао и Ле Гозје. Поент а Питр лежи на варовничка висорамнина, која играла улога во изборот на место. Пристаништето е сместено во заветрината на заливот Пети Кил де Сак Марен.

Име Името на градот значи „Питеров ’Рт“, наречен по морнарот Питер, холандски Евреин кој во XVII век се населил на ова издадено место спроти островчето Кошон, веднаш јужно од денешниот градски центар.L’origine toponyme de Pointe-à-Pitre in Guide de Pointe-à-Pitre (édition 2006-2007).

Историја мини|Поранешниот градски дом Француските колонијални власти долго време имале намера да основаат град на ова место, како крстопат на двата главни острова (Бас Тер и Гранд Тер). Направени се неколку обиди од 1713 до 1730 г. без успех поради нездравото мочурливо земјиште.

За врема на британската окупација на Гваделуп (1759–1763) подигната е населба на рид над мочуриштето. Франција го повратила Гваделуп во 1763 г. и следната година градот Поент а Питр е официјално основан со кралски указ, а под водство на управникот Габриел де Клие. Во текот на наредните години мочуриштето на местото на денешниот градски центар е исцедено, што овозможило развој на градот.

Градот се развил релативно брзо, особено благодарение на корсарите. Во 1780 г. избил голем пожар кој сосема го уништил градот. Во 1843 г. градот повторно бил срозен во земјотрес. Историјата на Поент а Питр бележи многу катастрофи: пожарите од 1850, 1871 и 1931 г., земјотресите во 1851 и 1897 г. и ураганите од 1865 и 1928 г. Настрадал и од неколку епидемии на колера. Сепак, неговата местоположба во голем засолнет залив овозможила негово издигање во најголем град и стопански центар на Гваделуп.

мини|Катедралата „Св. Петар и Павле“

Клима Според Кепеновата класификација, Поент а Питр е на границата меѓу тропската монсунска (Am) и екваторската клима (Af). Како сите источнокарипски градови, дождовите се рамномери во текот на годината, при што повнежлив е периодот од јули до ноември, за време на ураганската сезона. Во градот годишно паѓаат 1500–2000 мм дожд. Времето е вообичаено тропски врело, со постојана висока дневна температура од 32 °C која ноќе се спушта на 20 °C.

Пасатите дуваат од североисток и со тоа ја ублажуваат климата.

Урбано подрачје и население Мошне малата општина Поент а Питр е средиште на поголемо урбано подрачје кое опфаќа 11 општини.Unité urbaine 2020 de Pointe-à-Pitre - Les Abymes (9A701), INSEE Ова урбано подрачје со 250.952 жители (2018) сочинувало 65 % од населението и е најголемото во Гваделуп и едно од најголемите во француските прекуморски територии и департмани.

Општини во урбаното подрачје Урбаното подрачје на Поент а Питр го сочинуваат 11 општини Тука се наведени со нивното население во 2017 г.:Téléchargement du fichier d'ensemble des populations légales en 2017, INSEE Лез Абим: 53.491 (најнаселената општина во урбантото подрачје и целиот Гваделуп; затоа ова урбано подрачје често се нарекува „Поент а Питр-Лез Абим„) Бе Мао: 30.929 (тука е главното пристаниште на подрачјето и најголемиот индустриски парк во Малите Антили) Ле Гозје: 26.783 Пети Бур: 24.277 Сент Ан: 23.675 Ле Мул: 22.150 Морн а Ло: 17.434 Ламантен: 16.573 Поент а Питр: 15.923 (историско, стопанско и административно јадро на урбаното подрачје; се соочува со намалена стопанска активност и бројност на населението поради конкуренција од околните преградија) Сен Франсоа: 12.816 Пети Канал: 8.220

Стопанство Градот е економско седиште на Гведелуп, опслужувајќи го главното пристаниште „Жари“ за товарни и патнички бродови. Ова пристаниште е сместено по заливот Кил де Сак Марен во општината Бе Мао. Има еден од најголемите контејнерски терминали во источните Кариби, со должина од 600 м. Највеќе се увезуваат прехранбени култури (банани, какао, кафе и шеќер), животински производи (говедско, млеко, јогурт) и произведени артикли (рафинирана нафта, ткаенини и лекови). Стопанската активност и лесната индустрија е сосредоточена во голема индустриска зона западно од градот, полна со магацини. Источниот дел на подрачјето е земјоделски, каде населението продолжува да се занимава со говедарство и одгледување на банани и шеќерна трска. Блиската населба Ле Гозје е главно приморско одморалиште на Гваделуп.

По податок од 2009 г., 70 % од населението на Поент а Питр живее во социјални станови.

Галерија

Поврзано Општини во Гваделуп

Наводи

Надворешни врски

Поент а Питр на Википатување

Категорија:Општини во Гваделуп Категорија:Потпрефектури во Франција