мини|256x256пкс|Средноразложен тресетен хоризонт на тревно-подзолична почва со застојана подземна вода Тресет — темнокафеава маса од делумно распаднати растенија образувана во мочурливи услови. Се користи како гориво и ѓубриво. Тресетиштата претставуваат главен извор на тресет; иако поретки, и други влажни подрачја — како што се низински мочуришта, покосини и тропски тресетни шуми — исто така создаваат наслаги од тресет. Пределите покриени со тресет се дом на конкретни видови растенија, меѓу кои сфагнумски мов, вресовесни грмушки и острики. Поради тоа што органската материја се таложи со илјадници години, тресетните наноси претставуваат вредни записи за некогашната растителност и клима, зачувувајќи растителни остатоци како полен. Ова овозможува реконструкција на минатите средини и проучување на промените во користењето на земјиштетоKeddy, P.A. 2010. Wetland Ecology: Principles and Conservation (2nd edition). Cambridge University Press, Cambridge. 497 стр. 323–25
Тресетна земја Од високиот, а поретко и од нискиот разложен тресет, се добиваат тресетна земја и тресетен хумус, кои се користат во градинарството и украсното цвеќарство.
Тресетот ја подобрува плодноста на земјата. За употреба како состојка во почвени мешавини за собни и стакленички растенија, тресетните грутки се сушат на воздух во ниски и широки купчиња три години, бидејќи во свежо ископаниот тресет се содржат штетни материи (особено киселини) за повеќето растенија. За побрзо сушење и исфрлање на киселините, се врши редовно превртување на тресетот. Почвените мешавини засновани на тресет се одликуваат со голема способност за задржување на влага. Во комбинација со песок, тресетната земја се користи за сеење на ситни семиња и како основна компонента при подготовка на почвени мешавини за многу растенија во затворени услови (заштитен простор).
Наводи
Надворешни врски
International Peatland Society International Mire Conservation Group Irish Peatland Conservation Council Gardening without peat Royal Horticultural Society Peat-free gardens RSPB Massive peat burn is speeding climate change From The New Scientist Peatlands articles on the BBC Meadowview Biological Research Station Peat and Peatlands Bibliography PeatDataHub - combining global peatland datasets
__СОСОДРЖИНА__ __ИНДЕКС__ Категорија:Горива Категорија:Наука за почвите Категорија:Изолатори Категорија:Почви Категорија:Моклишта