Брзи и бесни 2

Брзи и бесни 2 () — американски акционен филм од 2003 г., режиран од Џон Синглтон, според сценарио на Мајкл Брант и Дерек Хас, заснован на приказната на Брант, Хас и Гари Скот Томпсон. Тоа е продолжение на „Брзи и бесни“ (2001), вториот дел од истоимената франшиза, во кој главните улоги ги играат Пол Вокер како Брајан О'Конер, заедно со Тајрис Гибсон и Ева Мендес. Во филмот, поранешниот полицаец од полицијата на Лос Анџелес, Брајан О'Конер, и неговиот пријател Роман Пирс (Гибсон) се прикриваат за Царинската служба на САД и ФИБ за да уапсат еден наркобос во замена за бришење на нивните злосторнички досиеја.

Во Македонија постои старо ДВД-издание на македонски јазик.

Содржина Поранешниот полицаец Брајан О'Конер (Пол Вокер) сега е обичен уличен тркач, а полицијата го брка. Тој се трка низ улиците на Мајами со својот Nissan Skyline. По една трка, го апсат и ја урива колата. Наместо затвор, неговиот поранешен началник му нуди задача под прикритие: да се вовлече и да го разоткрие наркобосот Картер Верон. Брајан бара помош од својот поранешен другар Роман Пирс (Тајрис Гибсон), кој го обвинува токму Брајан за тоа што сега е во домашен притвор.

Двајцата стигнуваат во Мајами, каде што се среќаваат со агентката на ФИБ, Моника Фуентес (Ева Мендес). Добиваат два конфискувани, видоизменети автомобили — Mitsubishi Lancer Evolution VII и Mitsubishi Eclipse Spyder GTS. Картер им дава задача: заедно со други кандидати, да најдат црвено Ferrari на казнена паркинг-зона и да земат пакет од него. Иако полицијата се појавува и ситуацијата станува сомнителна, Брајан и Роман успеваат и му го носат пакетот на Верон — во кој, изненадувачки, има само една пура. Картер им кажува дека на одреден ден мораат да пренесат торби со пари до аеродром.

Во меѓувреме, Брајан оди кај својот пријател Теџ и дознава дека полицијата ставила прислушкувачи во моторите, што им овозможило да ги следат. Тоа ги тера да осмислат своја операција: да го изиграат Верон и да побегнат со парите. За тоа им требаат нови коли. Со напор, успеваат да освојат две нови возила од противници — Chevrolet Camaro SS од 1969 и Dodge Challenger од 1970 г.

Подоцна, на ноќна средба, Верон го мачи месниот полициски шеф и добива 15 минути „слободен прозорец“ за да ги изнесе парите. За време на задачата, тој им става телохранители на Брајан и Роман. Со помош на своите врски, Брајан смислува план како да се ослободат од телохранителите и да го одвлечат вниманието на полицијата.

На денот на испораката, полицијата почнува потера предвреме. Откако ги менуваат колите на претходно договорено место, Брајан и Роман се одвојуваат. Роман, со скриена катапултна функција на седиштето, го исфрла својот телохранител и тргнува кон аеродромот. Брајан не успева да го исфрли својот, бидејќи механизмот се расипува, и е пренасочен кон друга местоположба — пристаништето, каде што го чека Вероновата јахта.

Телохранителот сака да го убие Брајан, но Роман го спасува. Со Chevrolet Camaro SS, скокаат со колата право на јахтата. Скокот не оди според планот — Роман ја повредува раката. Во последен миг, Брајан пука прв и го спречува Верон да ги убие. ФИБ го апси Картер.

Откако ги предаваат торбите со пари, Брајан и Роман добиваат слобода. Но на крајот, Роман открива дека „случајно“ си задржал неколку снопчиња пари за себе.

Улоги

Наводи

Надворешни врски

Категорија:Филмови од 2003 година Категорија:Американски филмови Категорија:Американски акциони филмови Категорија:Филмови на англиски јазик Категорија:Филмови на Universal Pictures Категорија:Филмски продолженија Категорија:Американски филмови на патот

Брзи и бесни 2

Źródło i licencja