Манастирот Дионисијат, познат и како манастир Свети Дионисиј — еден од дваесетте светогорски манастири на Света Гора во Грција. Се наоѓа на југозападната страна на Атонскиот Полуостров, сместен на стрмна карпа околу 80 метри над морето, меѓу манастирите Свети Павле и Григоријат. Во хиерархијата на светогорските манастири, тој е на петтото место по хиерархија.
Историја Манастирот го основал преподобниот Дионисиј Светогорски во втората половина на XIV век (околу 1375 година), по кого и го добил името. Дионисиј, со посредство на неговиот брат Теодосиј, тогашен трапезундски митрополит, добил средства за изградба од царот Алексиј III Комнин. Хрисовулата (царската повелба) од Алексиј III од 1374 година, долга 2,98 метри и украсена со минијатура на царот со неговата сопруга Теодора и Свети Јован Крстител, се чува во манастирската ризница и претставува една од најголемите драгоцености. Манастирот низ историјата претрпел пљачкања и пожар, но бил обновен, а од 1805 година функционира како општожителен манастир.
Наводи
Категорија:Манастири на Света Гора