Светскиот ден на свеста за цунами — годишен настан што се одржува на 5 ноември за подигање на свеста за опасните ефекти од цунамито и важноста на подготвеноста за цунами и раното предупредување од цунамито. Првпат бил воспоставен во 2015 година со Резолуцијата 70/23 на Генералното собрание на Обединетите нации. На овој ден се одржуваат настани во различни земји и луѓето се охрабруваат да ја шират свеста на социјалните медиуми. Свеста за цунамито е многу важна бидејќи во изминатите 100 години имало вкупно 58 цунами со вкупен број на жртви од над 260.000 луѓе. Помеѓу 1998 и 2018 година, поради цунамито се загубиле 200 милијарди долари. Постои потенцијал бројот на жртви од цунамито да се зголеми во иднина поради комбинираните ефекти од зголемувањето на населението во крајбрежните области и покачувањето на морското ниво. Официјалната тема на Светскиот ден на свеста за цунами 2022 била #GetToHighGround (#СтигнетеДоВисокаЗемја), што ги охрабрувало луѓето да вежбаат планови за евакуација од цунами, со прошетки организирани во Португалија и Маврициус.
Поврзано
Меѓународен ден за намалување на ризикот од катастрофи Сендајска рамка за намалување на ризикот од непогоди
Наводи
Надворешни врски
- Ресурси за подигнување на свеста за цунами од УНЕСКО Комплет алатки за активирање на свеста за цунами од Канцеларијата на Обединетите нации за намалување на ризиците од катастрофи Категорија:Цунами Категорија:Меѓународни денови на Обединетите нации Категорија:Празници во ноември