Бохуслав Хасиштејнски од Лобкович (германски: Bohuslaus Lobkowitz von Hassenstein) (1461 – 11 ноември 1510) бил благородник, писател и хуманист од старото бохемиско семејство (подоцна принцови) од династијата Лобкович. Без оглед на неговите Бохемиски корени, тој експлицитно се нарекувал себеси како Германец.
Роден е во замокот Хасиштејн, во близина на Кадањ, Бохемија. Студирал во Болоња и во Ферара (доктор по право, 1482) и таму се преобратил од утракизам во католицизам. По 1483 година, станал проректор на Вишеград во Прага, а помеѓу 1490 и 1491 година патувал во Светата земја и во Египет, добивајќи го прекарот „Чешкиот Одисеј“. Бил избран за епископ на Оломоуц, но бил одбиен од папата. После тоа, живеел со неколку свои пријатели писатели во неговиот „Тускулум“, замок Хасиштејн сместен во североисточна Бохемија.
Лобкович бил автор на филозофска проза, писма и стихови, вклучувајќи и сатира за Бохемискиот национален живот: Ad sanctum Venceslaum satira (1489). Тој бил успешен есеист и поет и постанал poeta laureatus. Лобкович пишувал на германски и на латински, но никогаш на чешки, што било „варварско“ во неговите очи. Покрај тоа, тој очигледно се сметал себеси за Германец („Ego me Germanum esse et profiteor et glorior“ ― „Отворено признавам дека сум Германец и сум горд на тоа“).
Негови блиски пријатели биле Јан Шпехта од Вшерд, филозоф, Викторин Корнел зе Вшерд и Рацек Дубравски од Дубрава, кои и двајцата биле теоретичари на Бохемиското обичајно право. Тој бил помладиот брат на Јан Хашиштејнски од Лобкович.
Починал во замокот Хасиштејн во 1510 година.
Надворешни врски
Џејмс Нотон: Чешка ренесансна литература и хуманизам Библиотека Лобкович Bohuslav Lobkowicz Bohuslav Hasištejnský z Lobkovic: gelehrter „böhmischer Ulysses“ (на германски)
Извори
Кизурова, Ивана. Básník a král: Bohuslav Hasištejnský z Lobkovic v zrcadle jagellonské doby . Прага: Správa pražského hradu, 2007, 127 стр. Мартинек, Јан, Мартинова, Дана. ед. Epistulae Bohuslaus Hassinsteinius a Lobkowicz . Лајпциг: BGTeubner, 1980 година.
Категорија:Починати во 1510 година Категорија:Родени во 1461 година Категорија:Католички поети Категорија:Поети