Мајкл С. Харпер (англиски: Michael S. Harper; Бруклин, Њујорк, 18 март 1938 — Провиденс, Род Ајленд, 7 мај 2016) — американски писател.
Животопис Харпер е роден во Бруклин, Њујорк, каде живеел до 13. година, а потоа неговото семејство се преселило во Лос Анџелес. Студирал на Калифорнискиот државен универзитет во Лос Анџелес, а магистрирал на Универзитетот во Ајова. Според неговите зборови, образованието го стекнал и во поштата, каде тој и татко му работеле со полно работно време за да заработат доволно пари за неговите студии. Во поштата имал прилиак да сретне високообразовани Афроамериканци кои поради расната припадност не можеле да напредуваат во кариерата. Подоцна, тој предавал на неколку универзитети, меѓу кои и Универзитетот Браун, каде работел како професор по англиска книжевност. Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 137.
Творештво Харпер е добитник на поголем број стипендии и награди, меѓу кои се издвојува наградата на Црнечката академија на уметностите и книжевноста. Пресудно влијание врз него имале џез-музичарите (Џон Колтрејн, Чарли Паркер, Беси Смит и Били Холидеј), како и историските личности (Фредерик Даглас, Мартин Лутер Кинг, Малколм Икс). Неговата поезија често ги истакнува афроамериканските доблести. Неговите најважни дела се:Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 137-139. Мил Џон, Мил Колтрејн (Daer John, Dear Coltrane, 1970) Историјата е твоето срце (History is your own heartbeat, 1971) Фотографии: Негативи: Историјата како јаболкница (Photographs: Negatives: History as apple tree, 1972) Песна: Сакам сведок (Song: I want a witness, 1972) Чистење на раната (Debridement, 1973) Одговорноста започнуав со кошмарот (Nightmare begins responsibility, 1975) Сликите на Кин: Нови и избрани песни (Images of Kin: New and selected poems, 1977) Духовна војна (Spiritual warfare, 1984) Лековита песна за внатрешното уво (Healing song for the inner ear, 1985) Роуд Ајланд: Осум песни (Rhode Island: Eight poems, 1985) Почитувани додатоци (Honorable amendments, 1995) Стихови во Дрвото на Мајкл: Нови и собрани песни (Songlines in Michaeltree: New and collected poems, 2000)
Во своите песни, Харпер го нагласува силното чувство на блискоста како колективна историја при што најголемата можна посветеност во односите кон другите истовремено претставува неизбежност и води кон болка. Според него, да се биде потполно човечен значи да се признае кошмарот на нашата положба и да се прифатат неизбежните псоледици. Харпер ја гледа надмоќноста на белците како политика која го води човештвото кон статични категории кои, пак, не носат развој. Поради тоа, магиналиите мора да станат центар или да се стопат со водечката струја, која пак мора да биде децентралзиирана. Само така може да се оствари напредок на општеството.Petar Penda, „Predgovor“, во: Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 25.
Наводи
Категорија:Американски поети Категорија:Родени во 1938 година Категорија:Починати во 2016 година Категорија:Луѓе од Њујорк