The Most Wanted — македонска хип-хоп група формирана во раните 1990-ти години во Скопје. Групата се поврзува со раниот развој на хип-хоп музиката во Македонија и е позната по албумот „Пресудниот ден“ (1995), кој според релевантни извори се наведува како прво издание од типот на хардкор хип-хоп во земјата.

Историја Групата е формирана околу 1991 година како соло проект на Владимир Аговски - Аго (познат и како Nasty), а во 1993 година му се приклучува Бојан Мисајловски - Тец, по што проектот прераснува во дуо кое започнува активна соработка и настапи низ Македонија. Во периодот 1993–1994 година, The Most Wanted работат на својот прв студиски материјал.

Поради ограничените услови за професионално снимање во Македонија во тоа време, продукцијата се одвива претежно во домашни услови. Тец ја презема улогата на аудио продуцент, додека Аго е автор на текстовите и носител на креативниот концепт.

Групата престанува со активност околу 1996 година, по што членовите продолжуваат со индивидуални активности во областа на музиката и аудио продукцијата.

Пресудниот ден „Пресудниот ден“ е дебитантски албум на The Most Wanted, снимен во периодот 1993–1994 година и издаден во 1995 година во тираж од 500 аудио-касети. Според Македонска рок енциклопедија, албумот „Пресудниот ден“ се смета за прво македонско хардкор рап издание во земјата.

Стил и влијание Музичкиот стил на The Most Wanted се карактеризира со елементи типични за раниот hardcore hip hop, оддавајќи приоритет на суровиот (raw) звук од раните 90-ти години. Инструменталниот дел се заснова на минималистички битови и семплирање, често надополнети со примеси на фанк, џез и тврда ритам секција. На текстуално ниво, групата обработува урбани и социјални теми преку социјално ангажирани текстови, користејќи експлицитни рими кои директно и без компромис го посочуваат проблемот.Филиповски, Тошо Македонска рок енциклопедија novamakedonija.com.mk

Наследство Иако активни релативно краток период, The Most Wanted се поврзуваат со почетоците на македонската хип-хоп сцена.

Дискографија Пресудниот ден (1995)

Наводи

Категорија:Македонски музички групи Категорија:Хип-хоп групи