мини|Теодор Шерман Палмер. Теодор Шерман Палмер (26 јануари 1868 - 24 јули 1955) бил американски зоолог.
Палмер бил роден во Оукленд, Калифорнија и студирал на Универзитетот во Калифорнија. Палмер бил син на Хенри Остин и Џејн Оливија (Деј) Палмер, а неговата мајка била ќерка на Шерман Деј, внука на претседателот на Јеил, Џеремаја Деј и правнука на еден од основачите на САД, Роџер Шерман, што значи дека Палмер бил пра-пра-внук на Шерман.
Во 1889 година, тој се приклучил на Одделот за економска орнитологија и мамалогија на Министерството за земјоделство на Соединетите Американски Држави под водство на Клинтон Харт Меријам. Во 1891 година бил член на Експедицијата во Долината на смртта од 1891 година и нејзин водач во првите 3 месеци. Тој бил помошник-началник на Одделот од 1896 до 1902 година, а потоа од 1910 до 1914 година. Потоа се вклучил во создавање законските регулативи поврзани со заштитата на дивиот свет и раководел со гранка на организацијата што се занимавала со ова прашање од 1902 до 1910 година и повторно од 1914 до 1916 година. Палмер го напишал прелиминарниот нацрт на Договорот за заштита на птиците што мигрираат меѓу Канада и Соединетите Американски Држави (1916) и бил претседател на Комитетот што ги подготвил првите регулативи според Законот за Договорот за птици преселници (1918). Се пензионирал во 1933 година.
Палмер бил член на околу 25 научни организации во САД и 4 странски научни организации, како и организации за заштита на природата. Тој бил потпретседател на Американското здружение на мамолози од 1928 до 1934 година и соосновач на Националното здружение „Одубон“.
Палмер е одбележан со научните имиња на два северноамерикански гуштери: Uta palmeri и Elgaria coerulea palmeri.Beolens, Bo; Watkins, Michael; Grayson, Michael (2011). The Eponym Dictionary of Reptiles. Baltimore: Johns Hopkins University Press. xiii + 296 pp. . ("Palmer, T.S.", p. 200). Тој е одбележан и во името на верверичка: Neotamias palmeri.
Наводи
Надворешни врски
Lives of the Dead: Mountain View Cemetery in Oakland, Theodore Sherman Palmer Theodore Sherman Palmer Photograph Collection Find A Grave T.S. Palmer Papers Sherman/Day/Palmer Family Tree Granite Banking House of Palmer & Day, Gold Hill, Nevada Territory Sherman Day Family
Категорија:Американски ботаничари Категорија:Апсолвенти на Калифорнискиот универзитет (Беркли) Категорија:Американски зоолози Категорија:Починати во 1955 година Категорија:Родени во 1868 година Категорија:Ботаничари со авторски кратенки