Повелби на Василиј II за правата на Охридската архиепископија

Со трите хрисовули (повелби) на императорот Василиј II, што ги издал откако ја елиминирал Самуиловата држава, тој вовел нова административна организација и за охридската црква, и го регулирал нејзиниот правен статус во рамките на Византиското царство.

Ракописи Повелбите не се сочувани во оригинал, а нивниот текст до модерните истражувачи пристигнал благодарение на преписи од XVI и XVII век. Првиот ракопис кој содржи препис на повелбата е од Божигропскиот метох во Цариград и потекнува од XVI век, а вториот, пак, е Синајски ракопис од XVI или XVII век. Во него е сочуван целосниот текст на повелбите, но на специфичен начин. Имено, царот Михаил VIII Палеолог (1261–1282) издал хрисовула за Охридската архиепископија во 1272 и тука го приклучил текстот од трите Василиеви повелби.

Категорија:Охридска архиепископија