Сит () — притока на Рибинското Езеро првично на Молога, во која се влевала реката Сит пред да се наполни вештачкото езеро.
Речниот тек е околу 160км низ реонот Сонковски во Тверската Област и Некузскиот и Брејтовскиот реон во Јарославските Области во Русија пред да влезе во Рибинското Езеро во близина на големото село Брејтово.
Просечна ширина знае да варира од 40 м до 50 м, а устието на реката е на широчина од околу 1,500 м и сливната површина зафаќа околу 1,900 км².
Името на реката е поврзано со крвавата Битка на реката Сит во 1238 година, а додека во средниот век, долината на Сит припаѓала на гранка на кнежевската династија Јарослав.
Принцовите на Сит, или Сицки, се приклучиле на служба на Големите војводи од Москва во 15 век, а семејството преживеало до 17 век и било тесно поврзано по крв со легендарните Романови.
Изворот на Сит е на север од реонот Сонковски, во близина на селото Сабурово и тече североисточно, влегувајќи во Јарославската Област и се пренасочува на југ, додека кај селото Вознесенское на исток и на крајот на север.
Устието на Сит е во селото Брејтово.
Сливот на реката Сит го вклучува источниот дел од Краснохолмскиот реон во Тверската Област, источниот дел од Сонковскиот реон, западниот дел од Некузскиот реон, како и некои области во Брејтовскиот реон, а во сливот на реката се наоѓаат окружните центри Сонково и Брејтово.
На почетокот на 20 век, долината на реката Сит била дом на Сицкарите кои биле етничка група луѓе со ниска руса коса кои зборувале северен дијалект на рускиот јазик и се смета дека тие имале мешавина од литванско или некое друго балтичко потекло.
Наводи
Категорија:Реки во Тверската област Категорија:Реки во Јарославската област Категорија:Притоки на Волга Категорија:Координати на Википодатоците Категорија:Статии со текст на руски Категорија:Статии со краток опис