Јохан Адам Ото Бутшли (роден на година — починал на година) — германски зоолог и професор на Хајделбершкиот универзитет. Специјализирал за безрбетници и развој на инсекти. Многу од групите протисти за прв пат биле препознаени од него.
Тој бил првиот научник кој ги препознал структурите денеска познати како хромозоми.
Живот Бутшли бил роден во Франкфурт на Мајна. Студирал минералогија, хемија и палеонтологија во Карлсруе и станал асистент на Карл Алфред фон Цител (геологија и палеонтологија). Се преселил во Хајделберг во 1866 година и работел со Роберт Бунзен (хемија). Докторирал на Хајделбершкиот универзитет во 1868 година, откако положил испити по геологија, палеонтологија и зоологија. Му се придружил на Рудолф Лојкарт на Универзитетот во Лајпциг во 1869 година. Откако ги напуштил студиите за да служи како офицер во Француско-пруската војна (1870–1871), Бутшли работел во својата приватна лабораторија, а потоа две години (1873–1874) со Карл Мебиус на Килскиот универзитет. После тоа, работел приватно. Во 1876 година, стекнал хабилитација. Во 1878 година, тој станал професор на Хајделбершкиот универзитет, како наследник на Александар Пагенштехер. Тој ја држел оваа позиција повеќе од 40 години.
Наводи
Дополнително читање
Fokin, Sergei I. (2013). "Otto Bütschli (1848–1920): Where we will genuflect?" Protistology, 8 (1), 22–35. Goldschmidt, R. B. 1966 The Golden Age of Zoology. Portraits from Memory. Seattle and London, University of Washington Press.
Hoffmann, D., Laitko, H., Müller-Wille, S. and Jahn, Ilse, eds. 2003 Lexikon der bedeutenden Naturwissenschaftler. In drei Bänden. Heidelberg, Berlin Spektrum Akademischer Verlag 1 (A-E).
Надворешни врски
Категорија:Членови на Гетингенската академија на науките Категорија:Апсолвенти на Хајделбершкиот универзитет Категорија:Германски микробиолози Категорија:Германски ентомолози Категорија:Починати во 1920 година Категорија:Родени во 1848 година Категорија:Статии со hCards Категорија:Ботаничари со авторски кратенки