Камешница — планина која се наоѓа на границата на Хрватска со Босна и Херцеговина, помеѓу Сињ во Загора и Ливно во Завршје . Целиот врвен гребен со највисоките врвови Коњ (1856 м надморска височина ), Курљај (1809 м) и Гарјета (1773 м) се наоѓа во Босна и Херцеговина, на самата граница е Велика Меѓина (1502 м), а подалеку од границата на хрватска страна се Дивов Бриг (1333 м) и Главаш (1308 м).
Камешница е продолжение на динарскиот планински масив. Богата е со геотектонски појави како што се понори, пештери, долови и висорамнини. Од јужната, хрватска страна, до која се пристапува преку патот Сињ - Оток - Корита - Горња Корита, Камешница се наоѓа на надморска височина од 800 м. Потоа планинарската патека води по чиста, гола падина до врвот Курљај (1809 м), а потоа уште неколку километри по планинските врвови до највисоката точка на планината, врвот Коњ (1856 м).
Камешница е привлечна за планинарење во пролетните и есенските месеци. Поради изложеноста на воздушни струи и допирот на две климатски зони, можни се непредвидливи временски промени, па затоа секогаш е потребна претпазливост.
Флора и фауна На Камешница може да се најдат бројни растителни видови со исклучителни лековити својства и чистота, како што се планински босилек, планински пелин, алпски лишаи, матерка, жалфија, линцура, чемерика и многу други. Фауната не е исклучително бројна бидејќи планината е неплодна на своите врвови, па затоа е населена претежно со влекачи, неколку видови гуштери, бројни планински зелени гуштери, опосуми, планинска црвеногуштерка (мали, долги до 30 см) и неотровните, белоушка, балкански смок и други. Волците наоѓаат свое живеалиште на северната страна од планината и во пошумените области, заедно со лисици, диви свињи, а можно е да се сретнат и рисови и мечки, иако не се гледаат често.
Галерија
Наводи
Надворешни врски Хрватско планинарско друштво: Камешница – врв Главаш Пристапено на 9 април 2021 година.
Категорија:Босанско-хрватска граница Категорија:Планини во Босна и Херцеговина Категорија:Планини во Хрватска