Centaurium tenuiflorum ― вид на едногодишна билка од семејството линцури. Тие имаат самоодржлива форма на раст и едноставни, широки листови. Единките можат да пораснат до 17 см во височина. Потекнува од медитеранскиот басен, Западна Азија до Закавказје, Иран и западни Хималаи, Макаронезија, Велика Британија, Кримскиот Полуостров, Чад и Сокотра.
Видот првпат бил опишан како Erythraea tenuiflora од Јохан Центуриус Хофманзег и Јохан Хајнрих Фридрих Линк во 1813 година. Во 1907 година, Карл Фрич го преименувал во родот Centaurium како Centaurium tenuiflorum.
Подвидови Прифатени се четири подвидови. Centaurium tenuiflorum subsp. acutiflorum – Медитеранот до Крим, Иран, Транскавказ, западни Хималаи Centaurium tenuiflorum subsp. anglicum – јужна Велика Британија Centaurium tenuiflorum subsp. tenuiflorum – Медитеран, Чад, Азорски Острови, Канарски Острови, Мадеира, Сокотра. Centaurium tenuiflorum subsp. viridense – Зелен ’Рт
Во Македонија Во Македонија расте на термофилни места, покрај патишта, во клисури, проретчени дабови шуми, засолени почви и сл., во низинските делови, на надморска височина до 600 метри.Владо Матевски: Флора на Република Македонија, том II, св. 1, стр. 30 издавач: МАНУ, Скопје, 2010
Познат е за клисурата на Пчиња, клисурата на Тополка, Свети Николе, Овче Поле, с. Делисинци, Кожуф, Висока Чука, Дебар и с. Баниште.
Наводи
Категорија:Флора на Пакистан Категорија:Флора на Малта Категорија:Флора на Иран Категорија:Флора на Велс Категорија:Линцури Категорија:Флора на Македонија