Меѓународната коалиција на места на совеста (ICSC) — глобална мрежа на историски места, музеи и паметници кои биле посветени на промовирање и заштита на човековите права низ целиот свет.

Коалицијата била регистрирана како непрофитно здружение во Соединетите Американски Држави и била поврзана организација на Меѓународниот совет на музеи и имала консултативен статус во Економскиот и социјален совет на Обединетите нации.

Историја Била основана во 1999 година од Рут Абрам и била иницијатива што се одржувала во музеј со местоположба во станбени згради во Лоур Ист Сајд во Менхетен, Њујорк, со цел разгледувањето на вклучувањето на актуелните општествени прашања во музеите, поврзувањето на минатото со сегашноста и неговите предизвици кои биле поврзани со човековите права.

Коалицијата ги поддржувала своите членки преку финансирање и обука на пилот-програми за справување со човековите права и обезбедувала консултантски услуги за музеи и културни институции во областите на програмирање на јавен дијалог, стратешко планирање, интерпретативно планирање и дизајн на изложби.

Коалицијата имала над 200 места-членки и ја освоила наградата за меѓународен придонеси на ICOM-US за 2009 година, а во 1999 година била воведена Меѓународната награда за меѓународен придонес на ICOM-US и се доделувала кога номинираното лице, музеј или друга организација ги унапредила меѓународните односи и имала значително влијание во музејската област.

Членови и проекти Мрежата започнала со девет основачки членки во САД (2 основачки членки), Русија, Сенегал, Англија, Аргентина, Јужна Африка, Чешка и Бангадеш.

Од март 2025 година, Меѓународната коалиција на места на совеста има над 350 членови и ги организира своите членови во 7 региони:

Африка; Азија; Европа; Латинска Америка и Карибите; Среден Исток и Северна Африка; Северна Америка; Русија.

Членовите спроведувале заеднички проекти и создавале изложби.

Северноамериканскиот регион соработувал на проекти што се фокусирале на имиграцијата и на процесот „од училиште до затвор“ и биле домаќини на форум за меѓугенерациски дијалог, кој бил координиран со 11 културни центри во Соединетите Американски Држави, финансирана од Институтот за музејски и библиотечни услуги.

Националните дијалози за имиграција била координирана иницијатива што вклучувала 20 музеи и историски места со цел да бидат домаќини на програми за историска и современа имиграција.

Коалицијата, исто така, учествувала во анализа на изложбата и толкувањето на блокот за аукција на робови во градот и била домаќин на голем број јавни дијалози каде што Фредериксбуршката заедница зборувала за аукцискиот блок и историјата на ропството за да утврди дали аукцискиот блок требало да се премести на локација каде што историјата на ропството може подетално да се раскаже или треба да остане на својата локација.

Во 2023 година, Меѓународната коалиција на места на совеста започнала нова иницијатива наречена „Уметност на вклучување: Преосмислување на домородните претстави“ која била изградена врз основа на национална програма насловена како „Враќање на домородната вистина“, која работела на „поттикнување културни, социјални и политички промени преку јакнење на домородните Американци“ и била 12 месечна програма.

Овој проект ги преиспитал спомениците и уметничките дела на домородните Американци и како тие биле погрешно претставени или целосно игнорирани.

Проектот имал три фази:

Прва фаза, тројца експерти — јавен историчар, домороден американски уметник и специјалист за пејзажна архитектура — понудиле нови интерпретации на избрани споменици поврзани со домородните Американци, кои биле одбрани преку процес на јавни номинации (Места на совеста, 2022).

Следни две фази, Меѓународната коалиција на места на совеста организирала јавни дискусии за можните начини на преосмислување на овие места, со цел развивање нови методи и пристапи за нивно контекстуализирање и за подобро претставување на домородните Американци во локалните заедници. Првата дискусија била јавен настан за членовите на заедницата и музејските професионалци, а следната била работилница со 75 музејски професионалци. И двете во партнерство со Женевското историско друштво.

Транзициска правда Меѓународната коалиција на места на совеста, исто така, ја предводела Глобалната иницијатива за правда, вистина и помирување (GIJTR), конзорциум од 9 меѓународни организации кои реагирале на мултидисциплинарни начини на потребите за транзициска правда на општествата што произлегуваат од конфликт или периоди на авторитарно владеење.

Глобалната иницијатива за правда, вистина и помирување помагала во олеснувањето на програмите базирани на заедницата, како работилници за спречување на насилство, уметничка терапија, психосоцијална поддршка, иницијативи за комеморализација базирани на заедницата и олеснување на дијалогот за локалните организации на граѓанското општество кои сакале да им помогнат на заедниците да се излекуваат од неодамнешниот или тековниот конфликт.

Иницијативата на Глобалната иницијатива за правда, вистина и помирување се развила од студии што анализирале врски помеѓу комеморациите, граѓанското ангажирање и механизмите за транзициска правда преку програми за ангажирање на младите што ги организираат членовите на Местата на совеста.

Преку сите свои програми, вклучително и Глобалната иницијатива за правда, вистина и помирување, Коалицијата имала за цел да ја користи колективната меморија, местото и локалната историја.

Поврзано

Транзициска правда

Наводи

Категорија:УНЕСКО Категорија:Историски места Категорија:Историја на човековите права Категорија:Организации за човекови права Категорија:Кршење на човековите права Категорија:Преодна правда Категорија:Организација за човекови права во САД