мини|Мејниер - Мудроста што ја брани младоста против љубовта Под мудрост се подразбираат способноста и желбата да се донесуваат избори што можат да добијат потврда по долгорочно испитување од многу луѓе. Во оваа смисла, да се оцени еден избор како „мудар“ значи дека дејството или не-дејството било стратешки точно во однос на одредени широко прифатени вредности. Mудроста ја претставува способноста на човекот да мисли и да дејствува, користејќи ги знаењето, искуството, разбирањето, разумот и менталната способност. Мудроста се смета за доблест, тоа претставува поседување на знаење кое треба да се искористи во која било околност. Тука се вклучени: разбирањето на луѓето, нештата, настаните, ситуациите, како и подготвеноста и способноста да се применуваат перцепцијата и расудувањето. Често е потребно и контрола на емотивните реакции, за разумот да преовладува на универзален принцип. Мудроста означува длабоко знаење, но и можност за расудување. Мудрите луѓе често ги нарекуваат и филозофи.
Во 6 век п.н.е., Старите Грци признавале седум мудреци: Талес, Солон, Хилон, Питак, Бијант, Клеобул и Периандар.„Beleške“, во: Erazmo Roterdamski, Pohvala ludosti. Beograd: Rad, 2016, стр. 129.
Во своето дело, „Пофалба на глупоста“, Еразмо Ротердамски вели дека мудреците се некорисни во секојдневниот, практичен живот, за што најдобар пример е Сократ.Erazmo Roterdamski, Pohvala ludosti. Beograd: Rad, 2016, стр. 31.
Мудроста како тема во уметноста „Книга на мудроста“ - суфиска приказна.Суфиски приказни. Скопје: Темплум, 2017, стр. 80. „Три мудри совети“ - унгарска народна приказна.Мађарске бајке. Београд: Народња књига, 1974, стр. 36-40. „Мудреци над мудреците“ — песна на македонскиот писател Славко Јаневски од 1967 година.Славко Јаневски, Црни и жолти, Скопје: Просветно дело АД, Редакција „Детска радост“, 2004, стр. 36-37. „Мудрост“ – кус расказ на македонскиот писател Горан Петревски.Современост број 3/2023, стр. 25-26. „Каменот на мудроста“ - песна на полскиот поет Тадеуш Ружевич од 2002-2003 година.Tadeuš Ruževič, Izabrane pesme. Beograd: Treći trg / Čigoja štampa, 2013, стр. 257. „Мудрост“ - песна на полскиот поет Јулијан Тувим.Savremena poljska poezija. Beograd: Nolit, 1964, стр. 40. „Спомените на еден мудар старец“ - краток расказ на рускиот писател Данил Хармс.Danil Harms, Sto slučajeva. Beograd: Laguna, 2016, стр. 144-49. „Бистрината и мудроста“ (The Wit And The Wisdom) - песна на американската рок-група „Хускер Ду“ (Hüsker Dü) од 1985 година.Discogs, Hüsker Dü – Flip Your Wig (пристапено на 1.7.2020)
Наводи
Категорија:Филозофија