мини|Дојна Рушти Дојна Рушти (родена на 15 февруари 1957 година во Комоштени, округ Долж) е романска писателка, романсиерка и универзитетска професорка. Авторка е на романи и раскази во кои се преплетуваат фантастиката, историската проза, балканските теми и сеќавањето на комунистичкото минато на Романија.„Personalitatea zilei: Scriitoarea Doina Ruști“, AGERPRES, 1 март 2025.
Живот и творештво Рушти студирала филологија на Универзитетот во Букурешт и докторирала филологија. Предавала историја на културата и светската цивилизација на Националниот универзитет за театарска и филмска уметност „Јон Лука Караџале“ во Букурешт.
Како романсиерка дебитирала со романот Omulețul roșu (2004). Потоа ги објавила романите Zogru (2006), Fantoma din moară (2008), Lizoanca la 11 ani (2009), Manuscrisul fanariot (2015), Mâța Vinerii (2017), Homeric (2019), Paturi oculte (2020), Zavaidoc în anul iubirii (2024) и Ferenike (2025).
Во нејзините романи реалистичните слики на романското општество се поврзуваат со фантастични и митолошки мотиви. Дел од нејзиното творештво е посветено на комунистичкото минато, а друг дел на повеќејазичниот и повеќеетнички Букурешт од XVIII век и на културниот свет на Балканот.
„Елиза на единаесет години“ Романот Lizoanca la 11 ani е објавен во Романија во 2009 година. Главниот лик е единаесетгодишно девојче кое жителите на едно село го обвинуваат дека предизвикало епидемија на сифилис. Романот обработува теми како насилството врз децата, општественото исклучување, сиромаштијата и моралната одговорност на заедницата.Gabriela Chiciudean, „Lizoanca, Wounds and Cruel Reality“, Swedish Journal of Romanian Studies.
На македонски јазик романот е објавен под наслов „Елиза на единаесет години“ од издавачката куќа „Антолог“ во Скопје, во превод на Александра Кајтозис.„Дојна Рушти“, Антолог.„Елиза на единаесет години од Рушти на македонски јазик“, Нетпрес.
Македонското издание било претставено во рамките на фестивалот на европска литература „BookStar“ во Скопје во 2016 година.„Промоција на книгата Елиза на 11 години од Дојна Рушти“, BookStar 2016.
Награди
Награда на Здружението на писателите од Букурешт за романот Zogru. Награда за проза на Сојузот на писателите на Романија за Fantoma din moară. Наградата „Јон Крјанга“ на Романската академија за романот Lizoanca la 11 ani.
Избрани дела
Omulețul roșu (2004) Zogru (2006) Fantoma din moară (2008) Lizoanca la 11 ani (2009) Manuscrisul fanariot (2015) Mâța Vinerii (2017) Homeric (2019) Paturi oculte (2020) Zavaidoc în anul iubirii (2024) Ferenike (2025)
Наводи
Надворешни врски
Официјална интернет-страница Дојна Рушти на страницата на „Антолог“