Чурхли — гребенско село во Егејска Македонија, Република Грција. Според пописот од 2011 година во селото има 452 жители

Географија Селото се наоѓа на околу 15 километри северно од градот Гребен. На север се граничи со селото Фуркач.

Историја Под Османлиското Царство

Кон крајот на XIX век Чурхли е големо мешано гркојазично муслиманско-христијанско во Гребенската каза на Османлсикото царство. Според статистиката на Васил К’нчов во 1900 година во Чурхли (Зурхли, Џурхли) живеат 400 Валахади (гркојазични муслимани), 200 Грци христијани и 40 Роми.Кънчов, Васил. Македония. Етнография и статистика, София, 1900, стр. 275.

На Етнографската карта на Битолскиот Вилает од 1901 г. Џуруфли (Зуркли) се води како чисто грчко село во Гребенската Каза на Серфиџенскиот санџак со 175 куќи.

Според статистика на грчкиот конзулат во Еласона од 1904 година во Τσούρχλι има 600 валахади и 400 Грци-христијани.Σπανός, Κώςτας. "Η απογραφή του Σαντζακίου των Σερβίων", in: "Ελιμειακά", 48-49, 2001.

Грчка окупација За времен на Првата балканска војна во 1912 година во селото влегуваат грчки војски и по Втората балканска војна во 1913 година Чурхли останува во Грција.

Во средината на 20-те години на минатиот век муслиманското население е иселено во Турција според Лозанскиот договор и на негово место се доселени Грци кои пребегнале од Турција. Во 1928 година селото е целосно христијанско со месни жители и новодојденци бегалци броејќи 124 семејства со вкупно 413 жители.

Во 1927 година името на селото е сменето во Агиос Георгиос.

Демографија

Личности Познати личности родени во ова село се: Бекир Фикри-паша (1882 - 1914), турски војсководец Ѓорѓи Јанински (1810 - 1838), новомaченик Георгиос Зервас (1820 - 1860), ајдук Николаос Канутас (Νικόλαος Κανούτας),андарт, кој како млад се преселил во Цариград, се приклучил на Македонскиот комитет како четник на Павлос Гипарис во Костурско, и областите на Корешта, Невеска и Лехово (Леринско), а во 1912 година работи во коњоодгледувачницаΜάνος, Νικόλαος. Αφανείς Γηγενείς Μακεδονομάχοι (1903-1913), Ι. Σ. Κολιόπουλος (επιστ. εποπτεία), Ι. Δ. Μιχαηλίδης – Κων. Σ. Παπανικολάου (επιμ.), Θεσσαλονίκη, Ε.Μ.Σ. – University Studio Press, 2008, стр.20

Наводи

Надворешни врски Портал на Општина Гребен

Категорија:Гребен (општина)