Новоселјани или Јениќој (, Елефтерохори, до 1927 Γενή Κιόι, Јениќој)Μετονομασίες των Οικισμών της Ελλάδας. Σαλαμανλή - Παρόχθιο — село во Општина Кукуш во Кукушкиот Округ, Егејска Македонија, денес во областа Централна Македонија, Грција.
Географија и местоположба
Селото се наоѓа на 13 километри северозападно од градот Кукуш, на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 64 метри.
Историја
Според статистиката на Васил К’нчов („Македонија. Етнографија и статистика“) во 1900 година Новоселјани имало 125 жители МакедонциКънчов, Васил. Македония. Етнография и статистика, София, 1900, стр. 165.
Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 176 Македонци и работело егзархиско училиштеBrancoff, D.M. "La Macédoine et sa Population Chrétienne". Paris, 1905, pp. 98-99..
Во текот на Втората балканска војна, селото било опожарено од страна на грчките војски а самото македонско население било принудено да побегне од своите домови. Голем дел од македонското население заминало од селото.
По крајот на Балканските војни, селото било вклучено во составот на Грција. На пописот од 1913 година селото било евидентирано како напуштено село, додека во 1920 селото не се споменува.
Според Лозанскиот договор, во селото било населено грчко население. Во 1926 година, селото било преименувано во Елефтерохори.
Демографија
Во 1928 година селото било чисто бегалско со 182 жители бегалци., додека во 1940 година селото броело 332 жители.
Селото во пописот од 1951 година броело 304 жители, на пописот од 1961 година, во селото живееле 301 жител, во 1971 година имало 188 жители, во 1981 година имало 176 жители, додека во 1991 година имало 176 жител. Денеска, населението на селото е 247 жители според пописот од 2001 година.
Наводи
Категорија:Кукуш