Битката на Крбавско поле (хрватски: Krbavsko polje, унгарски: Korbávmezei csata) се одвила на 9 септември 1493 година помеѓу Османлиското Царство од една страна и Кралство Унгарија и Кралство Хрватска од друга страна. Битката се одвила на Крбавско поле, денешна Хрватска.
Во битката, христијанската војска бикла поразена од страна на муслиманската. На чело на христијанската армија биле Ерерик Деречин, Иван Франкопан Цетински и Фердинанд Бериславиќ. Турските војски пак биле под команда на Хадим Јакуп Паша, Санџак бег Исмаил и Мехмед Бег.
По падот на Кралство Босна во 1463 година, јужните и централните делови од Кралство Хрватска останале незаштитени. Османлиите во меѓувреме стигнале до реката Неретва, каде ја освоиле Херцеговина во 1482 година, по кое се упатиле кон Хрватска. Со цел да ја запрат таквата инвазија на Османлиите, Хрватите се обидиле преку Ерерик Деречин да им го попречат патот. Така, на Крбавско поле, во централниот дел од Хрватска, поставиле заседа за Турците. Во меѓувреме османлискиот санџак на чело со Хадим Јакуп Паша со околу 8.000 војници се враќал од војната во Загорје. Хрватската армија броела околу 8.000 војници. Во текот на битката, Кралство Хрватска претрпела голем пораз, каде биле убиени сите три челници на христијанската армија. По битката, голем дел од христијанското население побегнало кон Австрија, а имало и такви кои мигрирале кон Италија.
Наводи
Категорија:Европа во 1493 година Категорија:Хрватска во средниот век Категорија:Стогодишна отоманско-хрватска војна Категорија:Отоманска Хрватска Категорија:Судири во 15 век Категорија:Битки во Османлиско-унгарските војни Категорија:Битки на Отоманското Царство Категорија:Битки на Унгарија Категорија:Отоманското Царство во 15 век