Остроклуниот кит (Balaenoptera acutorostrata) е најмалиот вид браздести китови (Balaenoptera), односно китови што имаат растеглив, набран хранопровод. Ова е исто така најмногубројниот вид, со вкупен број од дури еден милион единки. Како својот многу поголем сродник, синиот кит, и овој вид има тело во облик на торпедо, со една грбна перка што се наоѓа одзади кон опашката. Од горната страна тој има сива или кафеава боја, а одозгора има посветла боја. Понекогаш на кратките шилести перки се наоѓа по една бела лента. Остроклуните китови живеат сами или во мали групи. Тие се природно љубопитни и редовно им приоѓаат на бродовите. Јадат мали риби и плактонски животни, а, како и другите браздести китови, главно се хранат во области со студени води. Во текот на сезоната на размножување јадат многу помалку, а тогаш се селат во тропските води. Остроклуниот кит е единствениот кит браздан што сè уште се лови во комерцијални цели, и покрај мораториумот што го почитуваат повеќе држави членки на Меѓународната комисија за ловење китови (IWC).
Наводи
Надворешни врски
Newton North HS oceanography project - general informationProject Minke - Minke whales from the West Coast of ScotlandNortheast Pacific Minke Whale Project - Minke whales from the Northeast PacificDwarf Minke Whales - Great Barrier Reef Marine Park Authority - list of permitted swim-with-dwarf minke whales tourism operators on the Great Barrier ReefMinke Whale Project - Dwarf minke whale research team based at James Cook University, North Queensland, Australia'' ARkive Stills, video. NMV Photo of skull.
Категорија:Беззаби китови