OCLC (анг. Online Computer Library Center = „семрежен сметачки библиотечен центар“) — непрофитна членска сметачка библиотечна служба и истражна организација посветена на јавните цели што опфаќаат подобрување на пристапот до информациите во светот и намалување на трошоците за информирање. Основана е во 1967 под името Ohio College Library Center. OCLC и библиотеките-членки во соработка ја градат и одржуваат WorldCat, најголемиот семрежен каталог (OPAC) на светот.
Историја
Организацијата е основана на 6 јули 1967 како непрофитен библиотечен центар.IDEALS: „Првична системска поставеност на OCLC: Историја на случајот“ Денес во неа членуваат над 72.000 библиотеки од 170 земји и територии и ги користат услугите на OCLC за пронаоѓање, набавка, каталогизација, најмување и зачувување на библиотечни материјали. Нејзин основач е Фред Килгур, а седиштето се наоѓа во градот Даблин во Охајо, САД.
Услуги
OCLC нуди библиографски информации во резимиран и полн облик на сите заинтересирани лица.
Организацијата и библиотеките што учествувваат заеднички го создаваат и одржуваат каталогот „OCLC Online Union Catalog“ на WorldCat, кој е најголемиот електронски јавен каталог во светот и содржи записи од најразлични јавни и приватни библиотеки ширум светот. Записите од базата WorldCat се нудат на корисниците преку популарните пребарувачи, библиографски и книгопродажни места на семрежјето. Во октомври 2005, техничкиот кадар на OCLC започнал вики-проект кој им овозможува на читателите да внесуваат прибелешки, коментари и структурирани информации за секој запис на WorldCat.
Во Република Македонија, базата на WorldCat е достапна како дел од Заемниот каталог на библиотеките во Македонија.
Семрежна база
OCLC има база на податоци која служи за заведување и пребарување и е наменета за библиотекарите и јавноста. Тековниот програм на кој работи системот е „Connexion“, воведен во 2001, како замена за неговиот претходник „OCLC Passport“, кој е конечно укинат во мај 2005.
Базата содржи записи во каталожен формат за машинско читање (MARC) каде учествуваат каталозите на библиотеките што го користат OCLC како алатка за каталогизација ширум светот. Овие записи во форматот MARC потоа се преземаат на локалните библиотечни системи. Ова им овозможува на библиотеките да пронаоѓаат и преземаат записи за материјали и кон тоа да ја придодадат нивната каталогизација без да треба одново да се каталогизира секој запис поединечно.
Во февруари 2007, базата содржела 1,1 милијарди библиотечни материјали, и како таква претставува најголемата библиографска база на светот. Connexion е достапен како програм за професионални библиотекари, или пак на страницата connexion.oclc.org.
Базата WorldCat е достапна за јавноста преку службата за пребарување наречена FirstSearch, како и преку програмот Open WorldCat.
Поврзано Даблинско јадро (Dublin Core) Виртуелна меѓународна нормативна податотека (VIAF)
Наводи
Надворешни врски
Пристап до базите на OCLC преку Заемната база на податоци на библиотеките во Република Македонија WorldCat Отворен програм на WorldCat
Категорија:Библиографски бази на податоци Категорија:Библиотечна каталогизација и класификација Категорија:Задруги во САД